मिरज सिव्हिलमधून तीन दिवसाच्या बाळाची चोरी
सुरक्षा व्यवस्थेवर प्रश्नचिन्ह : संशयित महिला सिसिटीव्हीमध्ये कैद
पहा व्हिडीओ
मिरज : खरा पंचनामा
मिरजेच्या शासकीय रुग्णालयात (सिव्हिल) तीन दिवसाच्या नवजात बाळाला अज्ञात महिलेनं पळवून नेल्याची धक्कादायक घटना आज उघडकीस आली. या घटनेमुळे हॉस्पिटलच्या सुरक्षा व्यवस्थेवर प्रश्नचिन्ह उपस्थित केले जात आहे.
कविता समाधान अलदर (कोळे, ता. सांगोला, जि. सोलापूर) या महिलेला प्रसूतीनंतर मुलगा झाला होता. आज सकाळी 11 वाजता औषध देण्याच्या बहाण्याने एक अनोळखी महिला बाळ घेऊन पसार झाली. दोन दिवसांपासून ती महिला प्रसूती विभागात फिरत होती व नातेवाईकांचा विश्वास संपादन करत होती.
ही संपूर्ण घटना सीसीटीव्हीत कैद झाली असून, पोलिस तपास सुरू आहे. मात्र, ती महिला दोन दिवस रुग्णालयात मुक्तपणे फिरत होती, यामुळे सुरक्षा यंत्रणांवर गंभीर प्रश्नचिन्ह निर्माण झाले आहेत. या घटनेने रुग्णालयात खळबळ उडाली आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
