संखजवळ देशी बनावटीचे पिस्तूल बाळगणाऱ्याला अटक
बुलेटसह अडीच लाखांचा मुद्देमाल जप्त, सांगली एलसबीची कारवाई
सांगली : खरा पंचनामा
जत तालुक्यातील संख-लवंगा रस्त्यावर देशी बनावटीचे पिस्तूल घेऊन फिरणाऱ्या एकाला अटक करण्यात आली. तर दोघेजण पळून गेले. त्याच्याकडून बुलेटसह पिस्तूल, एक काडतूस असा अडीच लाखांचा मुद्देमाल जप्त करण्यात आल्याची माहिती एलसीबीचे वरीष्ठ पोलिस निरीक्षक सतिश शिंदे यांनी दिली.
सुनील तानाजी लोखंडे (वय २६, रा. लवंगा, ता. जत) असे अटक केलेल्याचे नाव आहे. सचिन बिराजदार (रा. लवंगा), पवन शेंडगे (रा. करेवाडी) अशी पळून गेलेल्या संशयितांची नावे आहेत. अवैधरित्या शस्त्रे बाळगणाऱ्यांवर कारवाई करण्याच्या सूचना निरीक्षक शिंदे यांनी दिल्या आहेत. यासाठी त्यांनी सहायक निरीक्षक पंकज पवार यांचे एक पथक तयार केले होते.
पथक जत तालुक्यात गस्त घालत असताना संख-लवंगा रस्त्यावर तीन तरूण बेकायदा देशी बनावटीचे पिस्तूल घेऊन फिरत असल्याची माहिती पथकाला मिळाली. पथकाने सापळा रचला होता. बुलेटवरून संशयित आल्यानंतर पथकाने त्यांना थांबण्याचा इशारा केला. त्यावेळी बिराजदार आणि शेंडगे पळून गेले. तर लोखंडे याला पकडण्यात आले. त्याची झडती घेतल्यानंतर त्याच्याकडे एक पिस्तूल, काडतूस सापडले. त्याला अटक करून बुलेटसह मुद्देमाल जप्त करण्यात आला. संशयिताला उमदी पोलिसांच्या ताब्यात देण्यात आले आहे.
एलसीबीचे वरीष्ठ पोलिस निरीक्षक सतिश शिंदे यांच्या मार्गदर्शनाने सहायक निरीक्षक पंकज पवार, संदीप गुरव, सतीश माने, अमर नरळे, विक्रम खोत, संदीप नलावडे, सोमनाथ गुंडे आदींच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
