पंजाबचे सीएम भगवंत मान यांच्या घरावर निवडणूक आयोगाचा छापा
दिल्ली : खरा पंचनामा
राजधानी दिल्लीत 5 फेब्रुवारी रोजी मतदान होणार आहे पण त्याआधीच येथील राजकारण जोरात सुरू आहे. आज, भाजपने त्यांच्या रॅलींमध्ये आम आदमी पक्षाला लक्ष्य केले, तर काँग्रेसच्या रॅलीमध्ये राहुल गांधींच्या भाषणात केजरीवाल आणि आप यांनाही लक्ष्य करण्यात आले.
दरम्यान, आम आदमी पक्षाने दावा केला आहे की पंजाबचे मुख्यमंत्री भगवंत मान यांचे दिल्ली येथील निवासस्थान असलेल्या कपूरथला हाऊसची झडती घेण्यासाठी निवडणूक आयोगाचे पथक पोहोचले आहे.
निवडणूक आयोगाच्या अधिकाऱ्याचे म्हणणे आहे की, रोख वाटपाबाबत तक्रार आल्यानंतर निवडणूक आयोगाचे पथक येथे पोहोचले. सी व्हिजिल अॅपवर रोख वितरणाबाबत तक्रार मिळाली होती की येथे रोख रक्कम वाटली जात आहे. कपूरथळा हाऊसच्या बाहेर निवडणूक आयोगाचे अधिकारी आणि दिल्ली पोलिस अधिकारी उभे आहेत.
दरम्यान, दिल्लीच्या मुख्यमंत्री आतिशी यांनीही सोशल मीडियावर एक पोस्ट शेअर करून छाप्याची माहिती दिली आहे. त्यांनी लिहिले की, दिल्ली पोलिस भगवंत मान जी यांच्या घरावर छापा टाकण्यासाठी पोहोचले आहेत. भाजपचे लोक दिवसाढवळ्या पैसे, बूट आणि चादरी वाटत आहेत - ते दिसत नाही. त्याऐवजी, ते निवडून आलेल्या मुख्यमंत्र्यांच्या निवासस्थानी छापा टाकण्यासाठी पोहोचतात. व्वा भाजपा ! दिल्लीचे लोक 5 तारखेला त्यांचे उत्तर देतील !
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.