नामांकित हॉस्पिटलधून महागडे नळ चोरणाऱ्या सांगलीतील एकाला अटक
1.21 लाखांचा मुद्देमाल जप्त : महात्मा गांधी चौक पोलिसांची कारवाई
सांगली : खरा पंचनामा
मिरज शहरातील नामांकित हॉस्पिटलमध्ये रुग्ण म्हणून जाऊन तेथील महागडे नळ चोरणाऱ्या सांगलीतील एकाला अटक करण्यात आली. त्याच्याकडून 1.21 लाखांचा मुद्देमाल जप्त करण्यात आल्याची माहिती मिरजेतील महात्मा गांधी चौक पोलीस ठाण्याचे प्रभारी सहायक पोलीस निरीक्षक संदीप शिंदे यांनी दिली.
तेजस अनंत सावंत (वय 40, रा. महाराष्ट्र हौसिंग सोसा., विजयनगर, सांगली) असे अटक केलेल्याचे नाव आहे. मिरजेत विविध हॉस्पिटलमध्ये झालेल्या चोरीतील संशयिताना पकडण्याच्या सूचना श्री. शिंदे यांनी गुन्हे प्रकटीकरण शाखेला दिल्या होत्या. शाखेतील श्रेणी उपनिरीक्षक धनंजय चव्हाण यांना एकजण अण्णा भाऊ साठे यांच्या पुतळ्याजवळ महागडे नळ विक्री करण्यासाठी येणार असल्याची माहिती मिळाली.
पथकाने तेथे जाऊन सावंत याला ताब्यात घेतले. त्याच्याकडील पिशवीत महागडे नळ सापडले. त्याबाबत कसून चौकशी केल्यावर त्याने नामांकित हॉस्पिटलध्ये रुग्ण म्हणून जाऊन ते चोरल्याची कबुली दिली. त्याला अटक करून मुद्देमाल जप्त करण्यात आला.
महात्मा गांधी चौक पोलीस ठाण्याचे प्रभारी सहायक निरीक्षक संदीप शिंदे यांच्या मार्गदर्शनाने उपनिरीक्षक संदीप गुरव, श्रेणी उपनिरीक्षक धनंजय चव्हाण, उदय कुलकर्णी, अभिजीत धनगर, अभिजीत पाटील, राहूल क्षीरसागर, नाना चंदनशिवे, विनोद चव्हाण, जावेद शेख, मोहसिन टिनमेकर, अमोल तोडकर, सुधीर खोंद्रे, निवास माने यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
