बॅरेकमध्ये ठेवलेले पोलिसांचेच मोबाईल लांबविले
बारामती : खरा पंचनामा
चोरटे पोलिसांना देखील जुमानत नसल्याचा अनुभाग बारामती जिल्ह्यात पाहण्यास मिळाला आहे. यात दौंडमध्ये राज्य राखीव पोलिस दलाच्या बॅरेकमध्ये ठेवलेले मोबाईल आणि महत्त्वाची कागदपत्रे लांबविल्याची घटना समोर आली आहे. पोलिस दलाची अंतर्गत सुरक्षा भेदून हि चोरी करण्यात आल्याचे उघडकीस आले आहे. यामुळे पोलीस प्रशासनात खळबळ उडाली आहे.
बारामती जिल्ह्यातील दौंड शहरातील राज्य राखीव पोलिस दलाचे कार्यालय आहे. याठिकाणी पोलिसांचे साहित्य ठेवण्यासाठी बॅरेकची व्यवस्था करण्यात आलेली आहे. या बॅरेकमध्ये पोलीस कर्मचाऱ्यांचे मोबाईल ठेवण्यात आलेले होते. या ठिकाणाहून चार पोलिसांचे मोबाईल आणि महत्त्वाच्या कागदपत्रांची चोरी झाली आहे. राज्य राखीव पोलिस दलाची अंतर्गत सुरक्षा भेदून ही चोरी करण्यात आली आहे.
दौंड शहरातील राज्य राखीव पोलिस दल गट क्रमांक पाच मधील बॅरेक येथे ३ मार्च रोजी रात्री दहा ते ४ मार्च रोजी रात्री साडेबारा च्या दरम्यान हा सर्व प्रकार घडला आहे. दरम्यान सदरचा प्रकार उघडकीस आल्यानंतर या संदर्भात दौंड पोलीस ठाण्यात अज्ञात चोरट्या विरोधात चोरीचा गुन्हा दाखल करण्यात आला आहे. या संदर्भात पोलिसांकडून चोरट्यांचा शोध घेतला जात आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
