मुख्यमंत्र्यांची ठाण्यात वरिष्ठ पोलीस अधिकाऱ्यांसोबत बैठक !
ठाणे : खरा पंचनामा
पुणे येथील तरुणावरील लैंगिक अत्याचार प्रकरण, महिला सुरक्षा, बीड येथील सरपंचाची हत्या, राज्यातील ढासळलेली कायदा सुव्यवस्थेचे प्रकरण ताजे असतानाच मुख्यमंत्री देवेंद्र फडवणीस यांनी शनिवारी राज्यातील सर्व वरिष्ठ पोलीस अधिकाऱ्यांची विशेष बैठक ठाण्यातील रेमंड गेस्ट हाऊसमध्ये घेत आहेत.
या बैठकीस राज्याच्या पोलीस महासंचालक रश्मी शुक्ला यांच्यासह मुंबई, ठाणे राज्यभरारातील अतवरिष्ठ पोलीस अधिकारी उपस्थित राहणार आहेत. या बैठकीत मुख्यमंत्री देवेंद्र फडणवीस काय आदेश देतात याकडे सर्वांचे लक्ष लागून आहे.
स्वारगेट येथे शिवशाही बसगाडीमध्ये झालेल्या लैंगिक अत्याचाराची घटना घडली. या प्रकरणातील आरोपीला अटक झाली असली तरी राज्यातील महिला सुरक्षेचा प्रश्न ऐरणीवर आला आहे. दुसरीकडे अल्पवयीन मुली, तरुणी, महिला यांचे अपहरण, अत्याचाराच्या घटना वारंवार उघडकीस येत आहेत. तसेच बीड येथील सरपंच संतोष देशमुख यांच्या हत्येप्रकरणी देखील सरकावर विरोधी पक्षाकडून टीका केली जात आहे. ठाण्यात कोयते, तलवारी घेऊन काही गुंडानी दहशत पसरविण्याचा देखील प्रयत्न केला होता. या सर्व पार्श्वभूमीवर राज्यातील कायदा सुव्यवस्थेचा प्रश्न ऐरणीवर आल्याचा आरोप करत महायुती सरकारवर विरोधक आणि महाविकास आघाडीचे नेते झोड उठवित आहेत. राज्यातील कायदा सुव्यवस्थेच्या पार्श्वभूमीवर मुख्यमंत्री देवेंद्र फडवणीस यांनी ठाण्यात राज्यातील सर्व पोलीस अति वरिष्ठ पोलीस अधिकाऱ्यांची बैठक रेमंड येथील गेस्ट हाऊसमध्ये आयोजित केली आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
