नेर्ले येथे सव्वा लाखांचा 4.1 किलो गांजा जप्त
फलटणच्या दोघांना अटक : सांगली एलसीबीची कारवाई
सांगली : खरा पंचनामा
वाळवा तालुक्यातील नेर्ले येथे पेठ-कासेगाव हायवेवरील हॉटेलमध्ये गांजा विक्रीसाठी आलेल्या फलटण (जि. सातारा) येथील दोघांना अटक करण्यात आली. त्यांच्याकडून सव्वा लाख रुपयांचा 4.1 किलो गांजा जप्त करण्यात आल्याची माहिती एलसीबीचे वरिष्ठ पोलीस निरीक्षक सतिश शिंदे यांनी दिली.
किरण भिमराव घाडगे (वय ३०), विरू शिवाजी मोरे (वय २९, दोघेही रा. कुंभार भट्टी, फलटण, जि. सातारा) अशी अटक केलेल्यांची नावे आहेत. निरीक्षक शिंदे यांनी अंमली पदार्थांवर कारवाई करण्यासाठी एक पथक तयार केले होते. पथक कासेगाव परिसरात गस्त घालत असताना पथकातील संकेत कानडे, अभिजित माळकर, अजय बेंदरे यांना दोघेजण गांजा विक्री करण्यासाठी पेठ-कासेगाव हायवेवरील एका हॉटेलमध्ये येणार असल्याची माहिती खबऱ्याद्वारे मिळाली.
पथकाने तेथे सापळा रचला दोघेजण तेथे आल्यावर त्यांच्या संशयास्पद हालचालीवरून त्यांना ताब्यात घेतले. त्यांच्याकडील सॅकची तपासणी केल्यावर त्यात 4.1 किलो गांजा सापडला. तो जप्त करून दोघांना अटक करून कासेगाव पोलिसांच्या ताब्यात देण्यात आले.
एलसीबीचे वरिष्ठ पोलीस निरीक्षक सतिश शिंदे यांच्या मार्गदर्शनाखाली सहायक निरीक्षक जयदीप कळेकर, सहायक निरीक्षक नितीन सावंत, संजय पाटील, संदीप पाटील, अतुल माने, सचिन धोत्रे, हणमंत लोहार, शिवाजी सिद, रणजित जाधव, बेंदरे, संकेत कानडे, ऋषीकेश सदामते, अभिजित माळकर, कॅप्टन गुंडवाडे, विजय पाटणकर यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
