शरद पवारंसोबत अजित पवारांची बंद दाराआड बैठक!
पुणे : खरा पंचनामा
महाराष्ट्राच्या राजकारणातून एक मोठी बातमी समोर आली आहे. पुण्यातील वसंतदादा साखर संकुलातील बैठक संपल्यावर शरद पवार आणि अजित पवार यांच्यात बंद दाराआड चर्चा झाल्याची माहिती समोर येत आहे.
शरद पवार आणि अजित पवार यांच्यासोबतच जयंत पाटील हे सुद्धा उपस्थित होते. या तिन्ही नेत्यांमध्ये जवळपास 20 ते 25 मिनिटे चर्चा झाली असल्याची माहिती समोर आली आहे.
मीडिया रिपोर्ट्सनुसार, पुण्यातील वसंतदादा साखर संकुलात एआय तंत्रज्ञानाने शेतकऱ्यांचे ऊस उत्पादन वाढवण्याच्या संदर्भात एक नियोजित बैठक होती. या बैठकीला ज्येष्ठ नेते शरद पवार, राज्याचे उपमुख्यमंत्री अजित पवार आणि जयंत पाटील यांच्यासोबतच इतरही सभासद उपस्थित होते. ही नियोजित बैठक पार पडल्यावर बंद दाराआड शरद पवार, अजित पवार आणि जयंत पाटील यांच्यात चर्चा सुरू होती. गेल्या काही दिवसापासून दोन्ही राष्ट्रवादी एकत्र येण्याबाबत राजकीय वर्तुळात चर्चा सुरू आहेत. या पार्श्वभूमीवर शरद पवार-अजित पवार यांच्यातील बैठकीला एक वेगळे महत्त्व प्राप्त झाले आहे. दोन्ही राष्ट्रवादी काँग्रेस पक्ष एकत्र येण्याच्या चर्चाबाबत शरद पवार यांना माध्यमांनी शनिवारी विचारले होते. मात्र, याबाबत आपल्याला काही कल्पना नाही असे विधान शरद पवारांनी केले होते. शरद पवारांनी या चर्चाबाबत थेट नकार सुद्धा दिला नव्हता. असे असतानाच आता दुसऱ्याच दिवशी शरद पवार - अजित पवार एकत्रित असल्याने चर्चांना उधाण आले आहे.
मिळालेल्या प्राथमिक माहितीनुसार, शरद पवार, अजित पवार आणि जयंत पाटील यांच्यात 20 ते 25 मिनिटे बैठक झाली. या बैठकीत नेमकी कोणत्या मुद्द्यांवर चर्चा झाली याबाबतची माहिती अद्याप समोर आलेली नाहीये. मात्र, दोन्ही राष्ट्रवादी एकत्र येण्याच्या चकर्चा सुरू असतानाच बंद दाराआड झालेल्या या चर्चेमुळे राजकीय वर्तुळात विविध चर्चा रंगण्यास सुरुवात झाली आहे. राष्ट्रवादी काँग्रेस पक्षाचा 10 जून रोजी वर्धापन दिन आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
