कुरुंदवाडमध्ये धारदार शस्त्राने वार करत तरुणाचा खून
रागाने पहिल्याच्या कारणावरून तीन अज्ञाताकडून कृत्य
कुरुंदवाड : खरा पंचनामा
येथील मजरेवाडी रस्त्यावर एका तरुणाचा धारदार शस्त्राने वार करून निर्घृणपणे खून करण्यात आला. तीन अज्ञातानी हा खून केल्याचा संशय आहे. खुनाचे कारण अद्याप स्पष्ट झाले नाही. याप्रकरणी कुरुंदवाड पोलीस ठाण्यात गुन्हा दाखल करण्यात आहे. संशयितांचा शोध सुरु असल्याचे कुरुंदवाड पोलीस ठाण्याचे प्रभारी सहायक पोलीस निरीक्षक रविराज फडणीस यांनी सांगितले.
अक्षय दीपक चव्हाण (वय २६, रा. कुरुंदवाड) असे खून झालेल्या तरुणाचे नाव आहे. ही घटना रविवारी रात्री साडेअकरा ते साडेबाराच्या सुमारास शहरातील मुख्य चौकात घडली. मृत अक्षय चव्हाण आणि अज्ञात तिघामध्ये एकमेकांकडे पाहण्याच्या कारणावरून वाद झाला. त्याच वादाचे पर्यवसान हिंसक प्रकारात झाले आणि त्या तिघा संशयितांनी अक्षयवर धारदार शस्त्राने सपासप वार करून त्याला गंभीर जखमी केले.
घटनेनंतर अक्षयला तातडीने खासगी रुग्णालयात दाखल करण्यात आले. मात्र त्यापूर्वीच त्याचा मृत्यू झाला. यानंतर मृतदेह शवविच्छेदनासाठी मिरज येथील शासकीय रुग्णालयात पाठवण्यात आला आहे.
सध्या पोलिसांनी मिळालेल्या गोपनीय माहितीच्या आधारे संशयित आरोपींचा शोध सुरू असून, लवकरच आरोपींना अटक केली जाईल, असा विश्वास सहायक निरीक्षक फडणीस व्यक्त केला आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
