खडसेंचे जावई आणखी गोत्यात? मानवी तस्करीचा आरोप
पुणे : खरा पंचनामा
पुण्यातील खराडी रेव्ह पार्टी प्रकरणात अटक करण्यात आलेले प्रांजल खेवलकर यांच्या विरोधात एका सेवाभावी संस्थेकडून तक्रार करण्यात आल्याने खळबळ उडाली आहे. खेवलकर हे ज्येष्ठ नेते एकनाथ खडसे, खेवलकर यांनी ज्या हॉटेलमध्ये पार्टी झाली तिथे वारंवार मुलींना बोलावले असल्याचे तसेच २८ वेळा रुम बुक केली असल्याचा दावा संस्थेने केला आहे.
तसेच मानवी तस्करीचा संशय असल्याचे म्हटले आहे. याबाबत महिला आयोगाने पुणे पोलिस पोलिसांना तपास करण्याचे आदेश दिले आहेत.
प्रांजल खेवलकर यांच्या विरोधात बीडमधील प्रज्ञा खोसरे यांच्या सानवी बहुद्देशीय सेवाभावी संस्थेकडून ही तक्रार करण्यात आली आहे. या तक्रारीत प्रांजल खेवलकर यांनी खराडी भागातील ते हॉटेल २८ वेळा बुक करण्यात आल्याचा दावा करण्यात आला आहे. हा संघटीत रॅकेटचा भाग असू शकतो असा अंदाजही व्यक्त करण्यात आला आहे. संस्थेच्या या अर्जानंतर महिला आयोगाने पुणे पोलिस करत असलेल्या चौकशीचा अहवाल सादर करण्याचे आदेश दिले आहे.
प्रांजल खेवलकर यांच्या फोनमध्ये काही आक्षेपार्ह व्हिडीओ आणि मेसेजेस सापडल्याची माहिती पुणे पोलिसांनी न्यायालयात दिली आहे. या प्रकरणाचा तपास करण्यासाची आरोपीची कोठडी वाढवून मिळावी अशी मागणी सरकारी वकिलांनी केली होती.
प्रांजल खेवलकर राज्यातील ज्येष्ठ नेते एकनाथ खडसे यांचे जावई आहेत. राष्ट्रवादी शरद पवार पक्षाच्या महिला प्रदेशाध्यक्षा रोहिणी खडसे यांचे पती आहेत. पहिल्या पतीसोबत घटस्फोट घेतल्यानंतर रोहिणी खडसे यांनी बालपणीचा मित्र असलेल्या प्रांजल खेवलकर यांच्यासोबत लग्न केले. रोहिणी खडसे राजकारणात सक्रिय आहेत तर प्राजंल खेवलकरांचा जमीन खरेदी विक्रीचा व्यवसाय आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
