यूट्यूबर एल्विश यादवच्या घरावर अंदाधुंद गोळीबार
गुरुग्राम : खरा पंचनामा
प्रसिद्ध यूट्यूबर एल्विश यादवच्या बाबतीत एक धक्कादायक घटना घडली आहे. एल्विश यादवच्या गुरुग्राम येथील घरावर आज पहाटे साडेपाच ते सहा वाजण्याच्या दरम्यान अज्ञातांनी जोरदार गोळीबार केला.
तीन अज्ञात लोक दुचाकीवरून आले आणि त्यांनी दोन डझनांहून अधिक राऊंड फायरिंग केली. या घरात एल्विश यादव आपल्या परिवारासह राहतो. ज्यावेळी गोळीबार झाला तेव्हा मात्र एल्विश घरी नव्हता. घरात फक्त त्याची आई आणि केयरटेकर होता. एल्विश सध्या परदेशात आहे. या घटनेत सुदैवाने कुणीही जखमी झालेले नाही. दरम्यान, या घटनेने प्रचंड खळबळ उडाली आहे. एल्विशचे कुटुंबीय पुरते हादरून गेले आहेत.
गुरुग्रामचे पोलीस पीआरओ संदीपकुमार यांनी या घटनेची माहिती देताना सांगितले की एल्विश यादवच्या घराबाहेर तीन गुंड प्रवृत्तीच्या लोकांनी गोळीबार केला आहे. ही घटना साधारण पहाटे साडेपाच वाजण्याच्या सुमारास घडली. यात एक डझनाहून अधिक राउंड फायरिंग झाली. या गोळीबारात कुणी जखमी झाले नसले तरी घराच्या आत भिंती आणि खिडक्यांचे किरकोळ नुकसान झाले आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
