"महाराष्ट्रात भाजप कोणत्याही कुबड्यांच्या आधारावर नाही"

"महाराष्ट्रात भाजप कोणत्याही कुबड्यांच्या आधारावर नाही"

मुंबई : खरा पंचनामा 

केंद्रीय गृहमंत्री अमित शहा यांनी आज (सोमवार) महाराष्ट्र भाजपच्या प्रदेश कार्यलायाच्या नवीन इमारतीचे भूमिपूजन केले. याप्रसंगी त्यांनी भाजप कार्यकर्त्यांना मार्गदर्शन करताना आगामी निवडणुका ताकदीने लढण्याचे आवाहन केले.

शिवाय, यावेळी त्यांनी महाराष्ट्रात भाजप कोणत्याही कुबड्यांच्या आधारावर उभी नाही तर आपल्या ताकदीवर उभी असल्याचे सांगितले.

अमित शहा म्हणाले, "आज सर्व भाजप कार्यकर्त्यांसाठी विशेष करून महाराष्ट्र भाजपच्या कार्यकर्त्यांसाठी शुभ दिवस आहे. कारण, आज महाराष्ट्र प्रदेश भाजप आपल्या नवीन कार्यालयाचे भूमिपूजन करून एक नवीन सुरुवात करत आहे. जेव्हापासून आपल्या पार्टीची स्थापना झाली तेव्हापासून १९५० पासून ते २०२५ पर्यंत प्रत्येक छोट्यामोठ्या कार्यकर्त्याला घेऊन, मोठ्या नेत्यांपर्यंत आपल्याला सर्वांना माहीत आहे की, भाजप कार्यालय आपल्या सर्वांसाठी मंदीर असते."

याचबरोबर, महाराष्ट्रात भाजप कोणत्याही कुबड्यांच्या आधारावर नाही चालत, तर आपल्या ताकदीवर उभी आहे. भारतीय राजकारणात ज्याप्रकारे भाजपचे अस्तित्व, भाजपचे सिद्धांत एक वेगळे स्थान राखते, तशाचप्रकारे आता महाराष्ट्रातही भाजप महाराष्ट्राच्या राजकीय क्षेत्राचे एक मजबूत हस्ताक्षर आहे यात कोणतीही शंका नाही. असंही यावेळी अमित शहा यांनी बोलून दाखवलं.

कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.