डॉक्टर आत्महत्या प्रकरणी दोन्ही पोलिसांना निलंबित करा!
मुख्यमंत्री फडणवीसांची मोठी कारवाई
सातारा : खरा पंचनामा
साताऱ्यातील फलटण येथील उपजिल्हा रुग्णालयातील महिला डॉक्टर संपदा मुंडेंच्या आत्महत्येनंतर राज्यात खळबळ उडाली आहे. संपदा मुंडेने एका हॉटेलच्या रूममध्ये आत्महत्या केली असून, टोकाचं पाऊल उचलण्याआधी दोन पोलीस अधिकाऱ्यांचा उल्लेख केला आहे.
तिने हातावर सुसाईड नोट लिहिली असून, आपल्यावर चार महिने बलात्कार झाल्याचा आरोप केला आहे. या घटनेमुळे महाराष्ट्र हादरला असताना मुख्यमंत्री देवेंद्र फडणवीस यांनी दखल घेतली आहे.
फलटण डॉक्टर आत्महत्या प्रकरणात मोठी कारवाई करण्यात आली आहे. मुख्यमंत्री देवेंद्र फडणवीस यांच्याकडून संबंधित पोलीस अधिकारी यांच्यावर निलंबनाची कारवाई करण्यात आली आहे. मुख्यमंत्री देवेंद्र फडणवीस यांनी सातारा पोलीस अधिक्षकांकडून घटनेची माहिती घेतली. संबंधित पोलिसांना तत्काळ निलंबित करण्याचे आदेश देण्यात आले आहेत. तसंच आरोपींवर कठोर कारवाई करण्याचे आदेशही त्यांनी दिले आहेत.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
