नाशिक शहर पोलीस दलात मोठे फेरबदल
नाशिक : खरा पंचनामा
शहरातील वाढत्या गुन्हेगारीच्या पार्श्वभूमीवर पोलिस आयुक्त संदीप कर्णिक यांनी शहरातील प्रभारी अधिकाऱ्यांच्या तडकाफडकी बदल्यांचे आदेश जारी केले आहेत. यात अंबड, सातपूर, गंगापूर, मुंबई नाका, आडगाव या पोलिस ठाण्यांसह चुंचाळे पोलिस चौकीच्या प्रभारींमध्ये फेरबदल करण्यात आले. वाहतूक शाखेच्या प्रभारींमध्येही खांदेपालट करण्यात आली आहे.
आयुक्त कर्णिक यांनी शुक्रवारी (ता. ३) दुपारी पोलिस आयुक्तालय हद्दीतील पाच ठाणी आणि एक पोलिस चौकीच्या प्रभारी अधिकाऱ्यांमध्ये खांदेपालट केली. त्यात अंबडचे प्रभारी अधिकारी मधुकर कड यांची गंगापूर पोलिस ठाण्यात, गंगापूरचे प्रभारी अधिकारी जगवेंद्रसिंग राजपूत यांची अंबडला बदली करण्यात आली आहे.
सातपूरचे रणजित नलावडे यांची विशेष शाखेत, तर भद्रकालीचे दुय्यम निरीक्षक प्रकाश अहिरे यांची सातपूर पोलिस ठाण्यात प्रभारी अधिकारी म्हणून बदली केली आहे. मुंबई नाक्याचे प्रभारी अधिकारी संतोष नरुटे यांची अंबड पोलिस ठाण्यांतर्गत चुंचाळे पोलिस चौकी येथे प्रभारी अधिकारी, तर चुंचाळे पोलिस चौकीचे विश्वास पाटील यांची मुंबई नाका पोलिस ठाण्यात बदली करण्यात आली. सायबर पोलिस ठाण्याचे उमेश पाटील यांची आडगाव पोलिस ठाण्याचे प्रभारी अधिकारी म्हणून, तर आडगावचे संजय पिसे यांची सायबर पोलिस ठाण्यात बदली करण्यात आली आहे.
इंदिरानगरच्या वरिष्ठ निरीक्षक तृप्ती सोनवणे यांची वाहतूक शाखेच्या युनिट एकमध्ये बदली केली असून, अंबडचे दुय्यम निरीक्षक मनोहर कारंडे यांची इंदिरानगर पोलिस ठाण्यात बदली करण्यात आली आहे. पंचवटीचे गजेंद्र पाटील, म्हसरूळचे अंकुश चिंतामण, उपनगरचे जयंत शिरसाट, नाशिक रोडचे जितेंद्र सपकाळे, देवळाली कॅम्पचे श्रीनिवास देशमुख यांच्या नेमणुकीत कोणतीही बदल करण्यात आलेली नाही; परंतु यातील एका निरीक्षकाला आयुक्तांनी तंबी दिल्याचे समजते.
शहरातील वाहतूक नियंत्रणासंदर्भात आलेल्या काही तक्रारींची दखल घेत आयुक्त कर्णिक यांनी वाहतूक शाखेतही फेरबदल केले आहेत. यात इंदिरानगरच्या वरिष्ठ निरीक्षक तृप्ती सोनवणे यांची वाहतूक शाखेच्या युनिट एकमध्ये, तर युनिट एकचे वरिष्ठ निरीक्षक तुषार आढाव यांची सातपूर युनिटमध्ये बदली केली. सातपूर युनिटचे रियाज शेख यांची द्वारका युनिट येथे बदली करण्यात आली आहे. बदली झालेल्यांना तत्काळ पदभार स्वीकारण्याचे आदेश जारी केले.
पोलिस निरीक्षक व बदलीचे ठाणे
मधुकर कडः गंगापूर पोलिस ठाणे
जगवेंद्रसिंग राजपूतः अंबड पोलिस ठाणे
मनोहर कारंडे: इंदिरानगर पोलिस ठाणे
प्रकाश अहिरेः सातपूर पोलिस ठाणे
उमेश पाटीलः आडगाव पोलिस ठाणे
संजय पिसेः सायबर पोलिस ठाणे
विश्वास पाटीलः मुंबई नाका पोलिस ठाणे
संतोष नरुटेः चुंचाळे पोलिस चौकी
तृप्ती सोनवणेः शहर वाहतूक युनिट एक
रणजित नलावडेः विशेष शाखा
तुषार आढाव सातपूर वाहतूक युनिट
रियाज शेख द्वारका वाहतूक युनिट
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
