सराईत गुन्हेगारांकडून पाठलाग करणाऱ्या पोलिसांवर गोळीबार
पिंपरी-चिंचवड : खरा पंचनामा
तळेगावच्या सोमाटणे फाटा परिसरात घरफोडी करणाऱ्या सराईत गुन्हेगारांकडून पोलिसांवर गोळीबार करण्यात आल्याची गंभीर घटना घडली आहे. सुदैवाने या गोळीबारात कोणीही जखमी झालेले नाही.
गुन्हे शाखा युनिट-२ चे अधिकारी आणि कर्मचारी हे घरफोडीच्या प्रयत्नात असलेल्या तीन सराईत गुन्हेगारांचा पाठलाग करत होते. त्याचदरम्यान आरोपींनी पोलिसांवर पिस्तूलातून एक गोळी झाडली. ही घटना आज पहाटे साधारण सहाच्या सुमारास घडली.
संबंधित तिन्ही आरोपींवर प्रत्येकी ३० पेक्षा अधिक गंभीर गुन्ह्यांची नोंद आहे. घरफोडीचा प्रयत्न सुरू करणाऱ्या य टोळीला गुन्हे शाखा युनिट-२ च्या पथकाने त्यांना त्वरित पकडले. हा संपूर्ण थरार पुणे-मुंबई जुन्या महामार्गावरील सोमाटणे फाटा येथे उडाला. घटनेनंतर पोलिसांनी तिन्ही सराईत गुन्हेगारांना जेरबंद केले असून, पुढील तपास सुरू आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
