तहसीलदार सूर्यकांत येवले पार्थ पवार जमीन प्रकरण नव्हे दुसऱ्याच प्रकरणात निलंबित
पुणे : खरा पंचनामा
मुंढवा जमीन गैरव्यवहार प्रकरण समोर येताच पुणे शहराचे तहसीलदार सूर्यकांत येवले यांच्या निलंबानाचे वृत्त समोर आले होते. त्यांनी निलंबनाविषयी आपल्याला आदेश मिळाला नसल्याचे सांगितले होते.
मात्र, या प्रकरणात नवा ट्विट आला असून मुंढवा प्रकरणात येवले यांचे निलंबन झाले नसून बोपोडी येथील शासकीय दूध डेअर या जागेच्या संदर्भातील व्यवहारामुळे निलंबन झालेचे समोर आले आहे.
बोपोडी येथील शासकीय दूध डेअरी या संस्थेची जागा खासगी व्यक्तीच्या नावे करण्याचा धक्कादायक प्रकार समोर आला होता. याप्रकरणी पुणे शहर तहसीलदार सूर्यकांत येवले यांच्यावर शासकीय जमिनींचा अपहार केल्याचा ठपका ठेवत राज्य सरकारने त्यांना निलंबित केले आहे.
बोपोडी येथील सर्व्हे नंबर 62 ही जागा शासकीय दूध डेअरीच्या मालकीची आहे. या जागे कृषी विभागाची मालकी आहे. असे असताना जमीन परत मिळावी, अशी याचिका मूळ मालकाने यापूर्वी अनेक वेळा केली होती. मात्र ती निकाली काढण्यात यापूर्वी अनेक वेळा केली होती. मात्र ती निकाली काढण्यात आली.
दरम्यान, या प्रकरणात मूळ मालकाने सात वर्षापूर्वी महसूल मंत्र्यांकडेही दावा दाखल केला होता. त्यावर तत्कालीन महसूल मंत्र्यांनी 'जैसे थे' ठेवण्याचे आदेश दिला होता. असे असताना येवले यांनी ही जमीन मूळ मालकाला परत करावी, असा आदेश दिला. याबाबतच्या आदेशाची पत्र कृषी विभागाला प्राप्त झाल्यानंतर हा सर्व प्रकार उघडकीस आला.
कृषी विभागाने या संदर्भात महसूल मंत्र्यांकडे तक्रार केली. त्यावर महसूल मंत्र्यांनी जिल्हाधिकारी यांना चौकशीचे आदेश दिले होते. या प्रकरणी चौकशी करून जिल्हाधिकाऱ्यांनी येवले यांना दोषी ठरवत त्यांच्यवार कारवाईची शिफारस केली होती. त्यानुसार येवले याचे निलंबन करण्यात आले.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
