मतांमध्ये तफावतीची तक्रार करत आष्ट्यात आंदोलन, कार्यकर्त्यांचा गोंधळ
जयंत पाटलांकडून स्ट्रॉंग रूमची पाहणी केल्यानंतर आंदोलन मागे..
सांगली : खरा पंचनामा
वाळवा तालुक्यातील आष्टा नगरपरिषदेच्या निवडणुकीनंतर मतदानाच्या टक्क्यात आणि आकडेवारीत वाढ झाल्याचा आरोप करत बुधवारी महाविकास आघाडी आणि शिवसेना शिंदे कटाच्या कार्यकर्त्यांनी आष्टयात स्ट्रॉंग रूम बाहेर आंदोलन केले. यामुळे स्ट्रॉंग रूमबाहेर चांगलाच गोंधळ निर्माण झाला होता. माजी मंत्री जयंत पाटील यांनी अधिकाऱ्यांची भेट घेऊन माहिती घेतली. त्यामध्ये मतांमध्ये तफावत नसल्याचे स्पष्ट झाल्यानंतर आंदोलन मागे घेण्यात आले.
बुधवारी दुपारपासून आष्टा येथील स्ट्रॉंग रूमच्या बाहेर शेकडो कार्यकर्ते हे ठिय्या मारून थांबले होते. 2 हजार मतांची तफावत प्रशासनाकडून जाहीर करण्यात आलेल्या आकडेवारीत आल्याचा आरोप करत स्ट्रॉंग रूमच्या ठिकाणी सुरक्षा यंत्रणा देखील कुचकामी असल्याचा आरोप यावेळी करण्यात आला होता. आंदोलनामुळे गोंधळाचे वातावरण निर्माण झाले होते. या घटनेनंतर राष्ट्रवादी शरद पवार गटाचे आमदार जयंत पाटील घटनास्थळी दाखल झाले. त्यानंतर पाटलांनी स्ट्रॉंग रूमची पाहणी करत अधिकाऱ्यांकडून मतांच्या आकडेवारीची माहिती देखील घेतली. यावेळी मतांमध्ये कोणत्याही प्रकारची तफावत झाल्या नसल्याचे निवडणूक प्रशासनाकडून जयंत पाटलांना सांगण्यात आलं. त्यानंतर पाटलांनी आकडेवारीच्या बाबतीत समाधानी असल्याचं सांगत, आंदोलन थांबवत असल्याचं जाहीर केलं. त्याबरोबर निवडणूक आयोगाच्या कारभारावर ताशेरे ओढत मोजणी दरम्यान या आकडेवारी मध्ये तफावत होऊ नये, अन्यथा जनतेचा उद्रेक होईल,असे देखील जयंत पाटलांकडून स्पष्ट करण्यात आले.
या घटनेमुळे सकाळपासून आष्टा शहरात स्ट्रॉंग रूम बाहेर मतदानाच्या टक्केवारीवरून वरून जे आंदोलन आणि गोंधळ सुरू होता तो अखेर थांबला आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
