कवलापुर येथील जबरी चोरीचा गुन्हा उघड, दोघांना अटक
दोन दुचाकीसह रोकड जप्त : एलसीबीची कारवाई
सांगली : खरा पंचनामा
मिरज तालुक्यातील कवलापूर येथे तोंडावर स्प्रे मारून मणेराजुरी येथील एकाला लुटणाऱ्या दोघांना अटक करण्यात आली. त्यांच्याकडून दोन दुचाकी, रोकड जप्त करण्यात आली आहे. सांगली एलसीबीने ही कारवाई केली.
अनीकेत अरूण मोहीते (वय २६, रा. सिध्देश्वर गल्ली, कवलापुर), राजेश संभाजी काटकर (वय २९, रा. काटकर गल्ली, कवलापूर) अशी अटक केलेल्यांची नावे आहेत. दि. 5 जानेवारी रोजी मणेराजुरी येथील प्रतीक पवार दुचाकीवरून निघाले होते. त्यावेळी दोन तरुण तोंडाला रुमाल बांधून आले. त्यांनी पवार यांना अडवून त्यांच्या तोंडावर कसला तरी स्प्रे मारून त्यांची दुचाकी, मोबाईल, सहा हजारांची रोकड लंपास केली होती. याबाबत सांगली ग्रामीण पोलीस ठाण्यात नोंद करण्यात आली होती. यातील चोरट्याना पकडण्यासाठी एलसीबीचे पोलीस निरीक्षक संजीव झाडे यांनी सहायक निरीक्षक पंकज पवार यांचे पथक तयार केले होते.
पथकातील विक्रम खोत यांना ही चोरी मोहिते आणि काटकर यांनी केली असून ते सांगलीतील यशवंतनगर येथे येणार असल्याची माहिती खबऱ्याद्वारे मिळाली. पथकाने सापळा रचून त्यांना ताब्यात घेतले. त्यांच्याकडील दुचाकीबाबत कसून चौकशी केल्यावर त्यांनी जबरी चोरीची कबुली दिली. त्यांना अटक करून दोन दुचाकी, मोबाईल, रोकड जप्त करण्यात आली. त्यांना सांगली ग्रामीण पोलिसांच्या ताब्यात देण्यात आले आहे.
एलसीबीचे पोलीस निरीक्षक संजीव झाडे यांच्या मार्गदर्शनाखाली सहायक निरीक्षक पंकज पवार, अमर नरळे, संदीप नलावडे, सोमनाथ गुंडे, अमिरशा फकीर, सागर लवटे, सागर टिंगरे, मच्छिद्र बर्डे, संदिप गुरव, उदय माळी, महादेव नागणे, विक्रम खोत, केरबा चव्हाण, सायबर पोलीस ठाण्याचे अभिजीत पाटील, अजय पाटील यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
