अमेरिकेचा इराणवर भयानक हल्ला, B2 बॉम्बरमधून टाकले 2000 पाऊंडचे बॉम्ब
दिल्ली : खरा पंचनामा
इराण विरुद्ध सुरु केलेल्या युद्धात अमेरिकेने आपली शक्ती दाखवून दिली आहे. अमेरिकी सैन्याने इराणी नौदलाला पूर्णपणे उद्धवस्त केलं आहे. आतापर्यंत इराणी नौदलाची 9 जहाजं अमेरिकेने बुडवली आहेत.
काही मोठी आणि महत्वाची जहाजं होती. अन्य जहाजांना लवकरच समुद्राच्या तळाशी पाठवू असं ट्रम्प म्हणाले. इराणी नौदलाचं मुख्यालय सुद्धा मोठ्या प्रमाणात नष्ट केलय. हा हल्ला ऑपेरशन एपिक फ्युरीचा हिस्सा आहे. अमेरिकेच्या B2 स्पिरिट स्टेल्थ बॉम्बर विमानांनी इराणच्या अंडरग्राऊड बॅलेस्टिक मिसाइल तळांवर 2000 पाऊंडचे बॉम्ब टाकले. हा हल्ला 1 मार्च 2026 रोजी झाला.
अमेरिकेच्याया कारवाईने लोकांना 'पर्ल हार्बर'ची आठवण झाली. 1941 साली जापानने अमेरिकेच्या पर्ल हार्बर बंदरावर अचानक हल्ला केला होता. यात अमेरिकी नौदलाचं मोठ्या प्रमाणात नुकसान झालं होतं. अमेरिकेने आता इराण विरोधात सुद्धा तशीच कारवाई केली आहे. इराणी नौदल पर्शियन गल्फ आणि होर्मुज स्ट्रेटमध्ये मजबूत होतं. पण आता ते कमकुवत झालय.
B2 स्पिरिट बॉम्बरला जगातील सर्वात अत्याधुनिक स्टेल्थ बॉम्बर विमान म्हटलं जातं. रडारला चुकवून उड्डाण करण्याची या विमानाची क्षमता आहे. अमेरिकेच्या मिसौरीमधून उड्डाण करुन हे विमान इराणला पोहोचलं. या बॉम्बर विमानाने इराणच्या सक्षम अशा बॅलेस्टिक मिसाइल केंद्रांवर हल्ले केल्याची सेंट्रल कमांडने पुष्टि केली. अंडरग्राऊंड बंकर उद्धवस्त करणारे 2000 पाऊंडचे गायडेड बॉम्ब टाकले. इराण विरोधात B2 स्पिरिट बॉम्बर विमान वापरण्याची ही दुसरी वेळ आहे.
सर्वप्रथम जून 2025 मध्ये इराणच्या न्यूक्लियर साइट्सवर या विमानातून बॉम्ब टाकण्यात आले होते. आता हा हल्ला इराणच्या मिसाइल क्षमतेला संपवण्यासाठी करण्यात आलाय. आम्ही इराणचं संपूर्ण नौदल संपवू असं ट्रम्प यांनी म्हटलय. इराणने प्रत्युत्तर म्हणून शेकडो मिसाइल्सनी हल्ले केले. पण अमेरिका आणि इराणच्या एअर डिफेन्स सिस्टिमने यातले बहुतांश हल्ले रोखले.
इराणी नौदलाची 9 जहाज बुडवल्याची ट्रम्प यांनी सोशल मीडियावर माहिती दिली. यात काही मोठ्या युद्धनौका होत्या. एक जमरान क्लास कोरवेटला जलसमाधी दिली. इराणी नौदलाचं मुख्यालय सुद्धा अमेरिकेने उद्धवस्त केलं. अन्य जहाजं सुद्धा लवकरच बुडवू असं अमेरिकेने म्हटलं आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
