अहमदाबाद विमान अपघाताचे कारण वेगळेच
अमेरिकेच्या एजन्सीचा खळबळजनक दावा
अहमदाबाद : खरा पंचनामा
अहमदाबादहून लंडनच्या दिशेने निघालेल्या एअर इंडियाच्या विमानाचा भीषण अपघात झाला. या अपघातात विमानातील फक्त एकच व्यक्ती जिवंत वाचू शकला. या विमान अपघातात 260 लोकांचा जीव गेला. या विमान अपघातापूर्वीचा एक व्हिडीओ देखील पुढे आला.
या विमान अपघातानंतर सर्वांनाच मोठा धक्का बसला. सुरूवातीला भ्रस्टमुळे हा अपघात झाल्याचे सांगितले गेले. मात्र, आता या विमान अपघाताबद्दल अत्यंत धक्कादायक माहिती पुढे येत आहे. अपघात नक्की कशाने झाला याचे कारण पुढे आले. अहमदाबाद विमानतळाहून उड्डाण केल्यानंतर काही सेकंदात पायलट सुमित सभरवाल यांनी मेडेला एमर्जन्सी मेसेज पाठवला होता. 650 फूट उंचावरून मेडे मेडे मेडे असे त्यांनी म्हटले होते. मात्र, काहीही झाले नाही आणि काही सेकंदाच्या आतच विमान थेट अहमदाबाद विमानतळाच्या शेजारी असलेल्या मेडिकल हॉस्टेलच्या इमारतीवर जाऊन धडकले. आता या विमान अपघाताबद्दल धक्कादायक माहिती पुढे येत आहे.
अमेरिकेच्या हवाई सुरक्षा संस्थेचा दावा आहे की, अहमदाबाद विमान अपघातातील काही महत्वाचे कागदपत्रे तपास अधिकाऱ्यांना देण्यातच आली नाही. यावरून आता विविध प्रश्न उपस्थित होत आहेत. तपास करणाऱ्या अधिकाऱ्यांना पाठवण्यात आलेल्या ईमेजमध्ये सेफ्टी फाऊंडेशनच्या एग्झिक्यटिव्ह डायरेक्टर ईडी पियरसने म्हटले की, त्यांच्या हाती आता असे काही कागदपत्रे सापडली आहेत, ज्यावरून हे स्पष्ट होते की, विमानाचा अपघात इलेक्ट्रिक खराबीमुळे झाला.
पियरसनने म्हटले की, बोइंग 787 ड्रीमलाइनर रजिस्ट्रेशन वीटी-ANB च्या कागदपत्रांहून कळते की, इलेक्ट्रिक सिस्टममध्ये अगोदरपासूनच काही समस्या होत्या. त्यांनी दावा केला की, विमानात गेल्या काही महिन्यांपेक्षाही अधिक काळापासून शॉर्ट शर्किट, वायरिंगची समस्या आणि धुर निघण्याची समस्या होती. हेच नाही तर अपघात होण्यापूर्वी कितीतरी वेळा हे विमान इलेक्ट्रिक समस्यांमुळे आपत्कालीन उतरवण्यात आले.
अनेकदा या विमानाचा पी 100 पावर पॅनल देखील बदलण्यात आला होता. पियरसनने हे देखील म्हटले की, विमानाला डिजाईन आणि मेडिफिकेशन आणि सॉफ्टवेअर प्रोटेक्शनची गरज होती. हा विमान अपघात नक्की कसा झाला आणि यामागील कारण नक्की काय? हे प्रत्येकाला जाणून घ्यायचे असतानाच आता हा मोठा खुलासा करण्यात आला आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
