बीडमध्ये ६ पोलिस निरीक्षकांच्या तडकाफडकी बदल्या
बीड : खरा पंचनामा
बीडचे हॉटेल व्यवसायिक विलास घुले हत्याकांड प्रकरणात मोठी अपडेट समोर आली आहे. बीड जिल्ह्यातील ६ पोलिस निरीक्षकांच्या तडकाफडकी बदल्या करण्यात आल्या आहेत. विलास घुले हत्या प्रकरणानंतर आरोप होत असलेल्या स्वप्निल उनवणे यांच्या विनंतीवरून या बदल्या करण्यात आल्या आहेत. बीडचे पोलिस अधीक्षक नवनीत काँवत यांनी जिल्ह्यातील सहा पोलिस निरीक्षकांच्या बदल्यांचे आदेश जारी केले.
पोलिस निरीक्षक प्रविणकुमार बांगर यांची माजलगाव शहरात बदली करण्यात आली. पोलिस निरीक्षक राहुल सूर्यतळ यांची केज पोलिस ठाण्यात नियुक्ती करण्यात आली. विलास घुले हत्या प्रकरणानंतर आरोप झालेले पोलिस निरीक्षक स्वप्नील उनवणे यांच्या 'विनंतीवरून' बीडच्या आर्थिक गुन्हे शाखेत नियुक्ती करण्यात आली.
तर अनेक आरोप असलेले पोलिस निरीक्षक अशोक मुदिराज यांची सायबर पोलिस ठाण्यात नियुक्ती करण्यात आली आहे. पोलिस निरीक्षक नीलेश केळे यांची सायबरवरून पेठ बीड आणि पोलिस निरीक्षक संतोष शेजाळ यांची आर्थिक गुन्हे शाखेतून प्रभारी पोलिस उपअधीक्षक मुख्यालय बीड येथे बदली करण्यात आली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
