बलुचिस्तानकडून स्वतंत्र देशाची घोषणा; चलनासह राष्ट्रध्वजही बदलला
दिल्ली : खरा पंचनामा
पाकिस्तानला मोठा धक्का देत बलुचिस्तानने स्वतःला स्वतंत्र राष्ट्र म्हणून घोषित केलंय. सोशल मीडियावर शेअर करण्यात आलेल्या एका निवेदनानुसार 'रिपब्लिक ऑफ बलुचिस्तान' (बलुचिस्तान प्रजासत्ताक) या नावाने बलुचिस्तानला स्वतंत्र देश म्हणून जाहीर करण्यात आले आहे. एका व्हायरल पत्रात बलूचिस्तानच्या लष्कराने बलूचिस्तानमधील ८५ टक्के भागावर कब्जा केलाय. यासह त्यांनी देशाचा ध्वज, राष्ट्रगीत, नवीन चलन, आणि प्रशासन व्यवस्था लागू करण्यात आल्याचा दावाही करण्यात आलाय.
सोशल मीडियावर शेअर केलेल्या पत्रात असेही नमूद केलंय की, त्या प्रदेशातील खनिज संपत्ती, वायू क्षेत्रे आणि कोळशाच्या खाणींवर नवीन सरकारचं नियंत्रण आहे. यासह पत्रात असंही म्हटलं की, पाकिस्तानच्या सुरक्षा यंत्रणांमधील मोठ्या संख्येने कर्मचाऱ्यांनी राजीनामे देऊन बलुचिस्तानची बाजू स्वीकारली आहे.
बलुचिस्तानमध्ये बऱ्याच काळापासून तणाव आहे आणि पाकिस्तानविरुद्ध अनेकदा निदर्शनेदेखील झाली आहेत. बलुचिस्तानमधील जनता आसिम मुनीर आणि शाहबाज शरीफ यांच्या विरोधातही घोषणाबाजी करत असते. आता बलुचिस्तानने स्वातंत्र्याची घोषणा केल्यामुळे पाकिस्तानची डोकेदुखी आणखी वाढली आहे.
व्हायरल झालेल्या पत्रातील दाव्याला अद्याप अधिकृत दुजोरा मिळालेला नाही. मात्र कोणत्याही प्रमुख आंतरराष्ट्रीय संस्थेने किंवा मान्यताप्राप्त सरकारने बलुचिस्तानला स्वतंत्र देश म्हणून मान्यता दिल्याची घोषणा अद्याप केलेली नाहीये. गेल्या काही महिन्यांत बलुचिस्तानमधील हिंसाचारात वाढ झाली आहे. येथे वांशिक बलुच बंडखोर आणि 'तेहरिक-ए-तालिबान पाकिस्तान' (TTP) चे दहशतवादी सुरक्षा दलांना लक्ष्य करत आहेत.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
