Breaking News

6/recent/ticker-posts

KP Banner

M4U News

वाल्मिक कराडला मोठा धक्का! मकोका लावत कोर्टाने सुनावली 14 दिवसांची न्यायालयीन कोठडी

वाल्मिक कराडला मोठा धक्का! 
मकोका लावत कोर्टाने सुनावली 14 दिवसांची न्यायालयीन कोठडी



बीड : खरा पंचनामा 

सरपंच संतोष देशमुख यांच्या हत्येनंतर मस्साजोगचे ग्रामस्थ संतप्त झालेत. वाल्मिक कराडवर खंडणीचा गुन्हा दाखल झालाय. तर धनंजय देशमुख यांनी वाल्मिक कराडवर हत्येचा गुन्हा दाखल करण्याची मागणी करत आहे. त्यासाठी काल आंदोलन देखील केलंय. दुसरीकडे कराडची आज सीआयडी कोठडी संपलीय. याप्रकरणी आज केज न्यायालात सुनावणी पार पडलीय. यावेळी न्यायालयाने कराडला 14 दिवसांची न्यायालयीन कोठडी सुनावली असून, त्याच्यावर मकोका लावण्यात आला आहे. SIT ने हत्येचा कट रचल्याचा आरोप केला आहे.

सरपंच संतोष देशमुख यांच्या हत्येप्रकरणी न्याय मिळावा, या मागणीसाठी बीड जिल्ह्यात सत्ताधारी आणि विरोधकांच्या नेत्यांनी निदर्शने केलीत. बीड जिल्ह्यातील सरपंचाच्या हत्येचा निषेध आणि मराठा आरक्षण आंदोलनाच्या पार्श्वभूमीवर 28 जानेवारीपर्यंत संचारबंदी लागू करण्यात आली आहे. बीड सरपंच हत्येप्रकरणी अटकेत असलेल्या वाल्मिक कराडच्या आईने पोलिस ठाण्यासमोर निदर्शने केली. तसेच कराड यांच्या सुटकेची मागणी केली.

माझा मुलगा निर्दोष आहे, त्याला गोवण्यात आलंय. त्याला सोडण्यात यावं. माझं आयुष्य संपलं तरी मी येथून उठणार नाही, असं देखील वाल्मिक कराडच्या आईने सांगितलंय. वाल्मिक कराडच्या आईसह 50 जण निदर्शनात सहभागी झाले होते.

बीड जिल्ह्यातील मसाजोग गावचे सरपंच संतोष देशमुख यांची 9 डिसेंबर रोजी अपहरण करून हत्या करण्यात आली होती. खुनापूर्वी सरपंच देशमुख यांचाही छळ करण्यात आला होता. अवादा कंपनीविरुद्ध खंडणीचा प्रयत्न थांबवण्यासाठी ही हत्या करण्यात आल्याची माहिती आहे. पोलिसांनी दिलेल्या माहितीनुसार, सरपंच संतोष देशमुख यांच्या हत्येमागे खंडणीचे मोठे प्रकरण आहे. सरपंचाच्या मृत्यूनंतर या प्रकरणाला वेग आला, त्यानंतर सात आरोपींना अटक करण्यात आली. काही दिवसांपूर्वी महाराष्ट्राचे मंत्री धनंजय मुंडे यांचे निकटवर्तीय वाल्मिक कराड यांनी पुण्यात पोलिसांसमोर आत्मसमर्पण केले होते. तेव्हापासून ते कोठडीत होते.

कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.