Breaking News

6/recent/ticker-posts

KP Banner

M4U News

घरगुती गॅस सिलिंडरची अवैध वाहतूक करणाऱ्यास मिरजेत अटक 2.35 लाखांचा मुद्देमाल जप्त, सांगली एलसीबीची कारवाई

घरगुती गॅस सिलिंडरची अवैध वाहतूक करणाऱ्यास मिरजेत अटक
2.35 लाखांचा मुद्देमाल जप्त, सांगली एलसीबीची कारवाई



सांगली : खरा पंचनामा

जयसिंगपूर येथील एका गॅस एजन्सीतील घरगुती वापराची सिलिंडर आणून त्याची बेकायदा वाहतूक करणाऱ्यास मिरजेत अटक करण्यात आली. त्याच्याकडून 25 सिलिंडर, माल वाहतूक रिक्षा, मोबाईल असा 2.35 लाखांचा मुद्देमाल जप्त करण्यात आल्याची माहिती एलसीबीचे वरीष्ठ पोलिस निरीक्षक सतिश शिंदे यांनी दिली.

प्रशांत अशोक टाकवडे (वय २७, रा. नदीवेस, पाटील गल्ली, मिरज, सध्या रा माणिकनगर, हरिपूर रोड, मिरज) असे अटक केलेल्याचे नाव आहे. जिल्ह्यात गॅस सिलिंडरची बेकायदेशीर वाहतूक, विक्री करणाऱ्यांना अटक करण्याच्या सूचना निरीक्षक शिंदे यांनी उपनिरीक्षक कुमार पाटील यांना दिल्या होत्या. त्यानुसार त्यांचे एक पथक चोरट्यांचा शोध घेत होते.  

त्यावेळी पथकातील अतुल माने यांना मिरजेतील अमर खड्डाजवळ असलेल्या कच्छि हॉल येथून घरगुती गॅस सिलिंडरची वाहतूक होत असल्याची माहिती मिळाली. त्यानुसार पथकाने तेथे छापा टाकला. त्यावेळी घरगुती वापराची 25 सिलिंडर, एक माल वाहतूक रिक्षा सापडली. त्याबाबत टाकवडे याच्याकडे चौकशी केल्यावर त्याने जयसिंगपूर येथील एका गॅस एजन्सीतील कामगार दर्गावाले याच्याकडून सिलिंडर आणल्याची कबुली दिली. त्याच्याकडून 25 सिलिंडर, रिक्षा, मोबाईल असा मुद्देमाल जप्त करण्यात आला. त्याला अटक करून मिरज शहर पोलिसांच्या ताब्यात देण्यात आले आहे.  

एलसीबीचे वरीष्ठ पोलिस निरीक्षक सतिश शिंदे यांच्या मार्गदर्शनाने उपनिरीक्षक कुमार पाटील, महसुल सहाय्यक प्राजक्त कांबळे, अतुल माने, अरूण पाटील, सुशिल मस्के, श्रीधर बागडी, ऋतुराज होळकर, सुमित सुर्यवंशी, विनायक सुतार, सुरज थोरात, सुशांत चिले आदींच्या पथकाने ही कारवाई केली.

कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.