सांगलीत कोयते घेऊन दहशत माजवणाऱ्या तिघांना अटक, दोन अल्पवयीन ताब्यात
पाच कोयते जप्त; शहर पोलिसांची कारवाई
सांगली : खरा पंचनामा
सांगली शहरात विविध ठिकाणी कोयते घेऊन फिरणाऱ्या आणि दहशत माजवणाऱ्या तिघांना अटक करून दोन अल्पवयीन मुलांना ताब्यात घेण्यात आले आहे. त्यांच्याकडून पाच धारदार कोयते जप्त करण्यात आल्याची माहिती शहर पोलीस ठाण्याचे प्रभारी निरीक्षक संजय मोरे यांनी दिली.
रोहीत बाळु सपाटे (वय २३, इंदीरनगर राजीव गांधी झोपडपट्टी सांगली), सोहेल हारुण शेख (वय २७, रा. ५० फुटी रोड सांगली), धंनजय शैलश भोसले (वय २६, रा. मॉडर्न बेकरी जवळ, सांगली) अशी अटक केलेल्यांची नावे आहेत. शहरात धारदार शस्त्रे घेऊन फिरणाऱ्यांवर कारवाई करण्याच्या सूचना निरीक्षक मोरे यांनी गुन्हे प्रकटीकरण शाखेला दिले होते. त्यानुसार पथक शहरात गस्त घालत होते.
जुना बुधगाव रस्ता परिसरात कोयता घेऊन दहशत माजवणाऱ्या रोहित सपाटे याला ताब्यात घेण्यात आले. शंभर फुटी रस्ता परिसरातून सोहेल शेख याला तर धनंजय भोसले याला सिद्धार्थ परिसरातून ताब्यात घेण्यात आले. काळिवाट आणि आकाशवाणी परिसरातून दोन अल्पवयीन मुलांना कोयता घेऊन दहशत माजवताना ताब्यात घेण्यात आले. त्यांच्याविरोधात गुन्हे दाखल करून कोयते जप्त करण्यात आले.
शहरचे वरिष्ठ पोलीस निरीक्षक संजय मोरे यांच्या मार्गदर्शनाने पोलीस उपनिरीक्षक महादेव पोवार, संदीप पाटील, विनायक शिंदे, रफिक मुलाणी, संतोष गळवे, गौतम कांबळे, संदीप कुंभार, योगेश सटाले, संदीप कोळी यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
