सचिन वाझेचा कारागृहातील मुक्काम वाढला

सचिन वाझेचा कारागृहातील मुक्काम वाढला

मुंबई : खरा पंचनामा 

बडतर्फ पोलीस अधिकारी सचिन वाझे याची कारागृहातून सुटका करण्याची मागणी उच्च न्यायालयाने गुरुवारी फेटाळली आहे. त्यामुळे वाझे याचा कारागृहातील मुक्काम वाढला आहे. सुटकेसाठी त्याने उच्च न्यायालयात अर्ज केला होता. पण न्यायालयाने त्याचा अर्ज फेटाळला आहे.

वाझे याला अटक केली तेव्हा, तो अधिकृत कर्तव्य बजावत नव्हता. त्यामुळे, त्याच्यावरील अटकेच्या कारवाईसाठी गृहविभागाच्या पूर्व मंजुरीची आवश्यकता नव्हती, अशी टिप्पणीही न्यायालयाने वाझे याची याचिका फेटाळताना केली आहे. निलंबित पोलीस अधिकारी सचिन वाझे याची अटक मुंबई उच्च न्यायालयाने कायम ठेवली आहे.

अंबानी यांच्या निवासस्थानाबाहेर स्फोटकांनी भरलेले वाहन ठेवल्याप्रकरणी आणि उद्योगपती मनसुख हिरेन यांच्या हत्येप्रकरणी अटक करण्यात आली तेव्हा बडतर्फ पोलिस अधिकारी वाझे त्याच्या अधिकृत क्षमतेनुसार काम करत नव्हता, असे न्यायमूर्ती सारंग व्ही. कोतवाल आणि एस.एम. मोडक यांच्या खंडपीठाने म्हटलं आहे.

उद्योगपती मुकेश अंबानी यांच्या 'अँटिलिया' निवासस्थानाबाहेर स्फोटक ठेवणे आणि मनसुख हिरेन हत्या प्रकरणात अटकेत असलेला माजी पोलिस अधिकारी सचिन वाझेनं माजी गृहमंत्री अनिल देशमुख यांच्यावर गंभीर आरोप केले होते.

कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.