इस्लामपूर परिसरात चेन स्नॅचिंग करणाऱ्या कोल्हापूरच्या तरुणाला अटक
तीन गुन्हे उघड, 1.85 लाखांचा मुद्देमाल जप्त : सांगली एलसीबीची कारवाई
सांगली : खरा पंचनामा
इस्लामपूर शहर आणि परिसरात चेन स्नॅचिंगद्वारे दागिने लंपास करणाऱ्या कोल्हापूर जिल्ह्यातील तरुणाला अटक करण्यात आली. त्याच्याकडून तीन गुन्हे उघडकीस आणत 1.85 लाखांचा मुद्देमाल जप्त करण्यात आल्याची माहिती एलसीबीचे वरिष्ठ पोलीस निरीक्षक सतिश शिंदे यांनी दिली.
उत्तम राजाराम बारड (वय ३१, रा. धामोड, ता. राधानगरी, जि. कोल्हापुर) असे अटक केलेल्याचे नाव आहे. रविवारी इस्लामपूर येथील सुरेखा गायकवाड यांच्या गळ्यातील दागिने चोरट्याने हिसडा मारून लंपास केले होते. याबाबत इस्लामपूर पोलीस ठाण्यात गुन्हा दाखल करण्यात आला होता. यातील चोरट्याला शोधण्यासाठी निरीक्षक शिंदे यांनी सहायक निरीक्षक पंकज पवार, जयदीप कळेकर यांचे पथक तयार केले होते. पथकातील संदीप गुरव यांना यांना सराईत गुन्हेगार असलेला उत्तम बारड इस्लामपूर येथील चोरीचे दागिने विक्री करण्यासाठी अंकली (ता. मिरज) येथे येणार असल्याची माहिती खबऱ्याद्वारे मिळाली.
पथकाने अंकलीतील एका लाकडाच्या खेळण्याच्या दुकानाजवळ सापळा रचला. उत्तम तेथे आल्यावर पथकाने त्याला शितफिने ताब्यात घेतले. त्याची झडती घेतल्यावर त्याच्याजवळ दागिने सापडले. त्याबाबत कसून चौकशी केल्यावर त्याने इस्लामपूर येथे महिलेच्या गळ्यातील दागिने चोरल्याची कबुली दिली. तसेच इस्लामपूर परिसरात केलेल्या अन्य दोन गुन्ह्यांचीही कबुली दिली. त्याला अटक करून दागिने जप्त करण्यात आले. त्याला इस्लामपूर पोलिसांच्या ताब्यात देण्यात आले आहे.
एलसीबीचे वरिष्ठ पोलीस निरीक्षक सतिश शिंदे यांच्या मार्गदर्शनाखाली सहायक निरीक्षक पंकज पवार, जयदीप कळेकर, संदीप गुरव, सागर लवटे, सागर टिंगरे, अरुण पाटील, उदयसिंह माळी, अमीरशा फकीर, अतुल माने, सुरज थोरात, रोहन घस्ते, अभिजित ठाणेकर, विनायक सुतार, संकेत कानडे, ऋषिकेश सदामते, अभिजीत माळकर, सायबर पोलीस ठाण्यातील अभिजीत पाटील, अजय पाटील यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
