सांगलीतील गावभागातील घरातून दागिने चोरणाऱ्या महिलेला अटक
3.51 लाखांचा मुद्देमाल जप्त : शहर पोलिसांची कारवाई
सांगली : खरा पंचनामा
शहरातील गावभागातील भावे वाडा येथील एका घरातून दागिने चोरणाऱ्या महिलेला अटक करण्यात आली. तिच्याकडून चोरीचे 3.51 लाखांचे दागिने जप्त करण्यात आल्याची माहिती शहर पोलीस ठाण्याचे वरिष्ठ निरीक्षक संजय मोरे यांनी दिली.
दिपाली राजु ढगे (वय ३०, रा. अभयनगर, संजयनगर, सांगली) असे अटक केलेल्या महिलेचे नाव आहे. दि. 12 जून रोजी गावभागातील सुजाता पाटील यांच्या घरातील 39 ग्रॅमचे सोन्याचे दागिने अज्ञाताने चोरले होते. याप्रकरणी शहर पोलीस ठाण्यात गुन्हा दाखल करण्यात आला होता. यातील चोरट्याना पकडण्याच्या सूचना निरीक्षक मोरे यांनी गुन्हे प्रकटीकरण शाखेला दिल्या होत्या. पथक चोरट्याचा शोध घेत असताना ही चोरी दीपाली ढगेने केली असून ती चोरीचे दागिने विक्री करण्यासाठी आमराई परिसरात येणार असल्याची माहिती पथकाला मिळाली.
पथकाने सापळा रचून तिला ताब्यात घेतले. तिच्याकडे कसून चौकशी केल्यावर तिने चोरीची कबुली दिली. तिच्याकडून चोरीचे 3.51 लाखांचे दागिने जप्त करण्यात आले. सांगली शहर पोलीस ठाण्याचे वरिष्ठ पोलीस निरीक्षक संजय मोरे यांच्या मार्गदर्शनाखाली उप निरीक्षक महादेव पोवार, योगेश पाटील, संदीप पाटील, सतीश लिबळे, विनायक शिंदे, तपस्या खोत, योगेश सटाले, संतोष गळवे, गौतम कांबळे, संदीप कोळी, प्रशांत पुजारी, विशाल कोळी, गणेश कोळेकर, योगेश हाक्के, दिग्विजय साळुंखे यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
