ॲड. विकास पाटील -शिरगांवकर यांनी विशेष सरकारी वकील उज्ज्वल निकम यांच्या उलट तपासातील प्रश्नावर पून्हा हरकती घेतल्या
अनिकेत कोथळे खून प्रकरण
सांगली : खरा पंचनामा
विशेष सरकारी वकील उज्ज्वल निकम यांनी आरोपी युवराज कामटे यास उलट तपासामघ्ये असे प्रश्न विचारले की त्यावर बचाव पक्षाचे वकिलांनी सक्त हरकत घेतली. तुम्हाला मिरज ग्रामीण ते सांगली अचूक अंतर सांगता येणार नाही सदरबाबत या पूर्वी हा प्रश्न विचारला आहे असा मुद्दा समोर आला. त्यावर हा किती खोटा आहे हे समोर आणायचे असा मुद्दा सरकारी वकिलांनी मांडला त्यावर विकास पाटील शिरगांवकर म्हणाले सरकारी पक्षाचे साक्षीदार उलट तपासामध्ये कसे खोटे पडले आहेत ते समोर आहे.
तुम्ही दिनांक १७/४/२०२५ व २३/६/२०२५ रोजी जी खोटी साक्ष दिली ते तुमच्या लक्षात आले? म्हणून तुम्ही आज उत्तरे बदलत आहात? सदर प्रश्नावर ॲड. विकास पाटील शिरगांवकर यांनी पुन्हा सक्त हरकत घेतली की, ती उत्तरे खोटी आहेत हे सरकारी वकील कसे ठरवू शकतात व तुम्ही कसे ठरविणार ती खोटी आहेत, तुमचा प्रश्न हा असा पाहिजे की, दि.२३/६/२०२५ रोजी जी उत्तरे दिली ती खोटी आहेत, असे सजेशन द्यावे यावरून ॲड शिरगांवकर व ॲड उज्ज्वल निकम यांचे जोरदार वाद झाला. शेवटी सरकार पक्षास तो प्रश्न बदलावा लागला.
तुम्ही सुधीर पिसाळ याला फोन केला होता? उत्तर - नाही. तुमची सुधीर पिसाळ यांचे बरोबर दुश्मनी आहे का? उत्तर - मी सुधीर पिसाळ यांना ओळखत नाही वैर असण्याचा प्रश्न येत नाही. आरोपी अरूण लाड यांनी सुधीर पिसाळ यांस डिव्हीआर काढून घेणे बाबत सांगितले? या प्रश्नावर ॲड शिरगांवकर यांनी पुन्हा हरकत घेतली की,अरूण लाड यांनी काय सांगितले हे युवराज कामटे यांस कसे माहीत होईल, सबब ते प्रश्न विचारता आला नाही
दि. ६/११/२०२७,७/११/२०१७ रोजी पोलीस ठाण्यात होता? उत्तर - नाही, दोन्ही दिवशी मी मिरज येथे सुत्र संचलनाचे कार्यक्रमात होतो. डयुटी बटवड्या मधील नोंदी बरोबर आहेत का? या प्रश्ना वर ॲड विकास पाटील -शिरगांवकर यांनी पुन्हा हरकत घेतली की तो कागद बचाव पक्षाने शाबित केला असून, युवराज कामटे हे ड्युटी बटवड्याचे ॲाथर नाहीत. ड्यूटी बटवडा त्यांनी तयार केलेला नाही सबब सरकारी वकील हा प्रश्न विचारू शकत नाहीत, ही हरकत घेतली.
साक्षीदाराने तुम्हाला न्यायालयात ओळखले याचे काय कारण आहे? यावर पुन्हा हरकत घेण्यात आली, व हा प्रश्न संयुक्तिक नाही, यावर विशेष सरकारी वकिल म्हणाले की, प्रत्येक प्रश्नावर विद्वान वकील हरकत घेत आहेत त्यावर शिरगांवकर वकिलांनी रोखठोक सांगितले की मी संयुक्तिक (लॅाजिकल) प्रश्नावर कधीच हरकत घेत नाही व माझी ती सवय नाही.
त्यानंतर विशेष सरकारी वकीलांनी साक्षीदारास अरेरावीच्या (गप रे) असे दरडावून, उत्तर दे अशी भाषा वापरली असता ॲड. शिरगांवकर यांनी भर नायालायात सरकारी वकिलांना सांगितले की, साहेब आपण दम देऊ नका, तो आता साक्षीदार आहे व आपण मर्यादा पाळावी. त्यानंतर दुपारचे सत्रात उलटतपासाचे काम तहकूब झाले व पुढील तारीख १९/५/२०२५ अशी नेमली आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
