जरंडी येथे चार लाखांची 40 किलो गांजाची झाडे जप्त
एकाला अटक : तासगाव पोलिसांची कारवाई
सांगली : खरा पंचनामा
तासगाव तालुक्यातील जरंडी येथे पडक्या विहिरीत लावलेली 4 लाख रुपये किमतीची 40 किलो वजनाची झाडे जप्त करण्यात आली. याप्रकरणी एकाला अटक करण्यात आली आहे.
सुनिल बाबु लोंढे (वय ३५, रा. काटे शिवरी वस्ती, जरंडी, ता. तासगाव) असे अटक केलेल्याचे नाव आहे. जरंडी येथे शिवरी वस्ती येथे एका पडक्या विहरीत गांजाची लागवड करण्यात आल्याची माहिती मिळाली.
पथकाने तेथे जाऊन छापा टाकून गांजाची झाडे जप्त करून एकाला अटक केली. तासगावचे पोलीस निरीक्षक सोमनाथ वाघ यांच्या मार्गदर्शनाखाली उपनिरीक्षक राजू अन्नछत्रे, अविनाश घोरपडे, सुरज मराठे, विनय गोडसे, उत्तम ओमोसे, परशुराम पाटील, प्रकाश पाटील अमित परीट, अमोल चव्हाण, प्रशांत चव्हाण, अर्जुन मोरे, कपिल खाडे, संभाजी शिंदे यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
