मद्यधुंद चालकानं डीसीपींच्या गाडीला दिली धडक, मुलगी जखमी; दोघे ताब्यात
पुणे : खरा पंचनामा
पुण्यात डीसीपींच्या गाडीलाच मद्यधुंद चालकाच्या गाडीनं धडक दिल्याची घटना घडलीय. यात डीसीपींच्या गाडीचं मोठं नुकसान झालंय. तर मुलीला किरकोळ दुखापत झालीय. मुंढवा पोलीस ठाण्यात या प्रकरणी गुन्हा दाखल करण्यात आला असून दोन आरोपींना ताब्यात घेण्यात आलंय.
याबाबत मिळालेली माहिती अशी की, वाहतूक डीसीपी हिम्मत जाधव यांच्या गाडीला मद्यधुंद अवस्थेत गाडी चालवणाऱ्यानं धडक दिली. ही धडक इतकी जोरात होती की यात गाडीचं नुकसान झालंय. सुदैवाने कोणतीही जिवीत हानी झाली नाही. मात्र डीसीपी हिम्मत जाधव यांच्या मुलीला किरकोळ दुखापत झालीय.
केशवनगरमध्ये शुक्रवारी रात्री दहा ते साडे दहा वाजण्याच्या सुमारास ही घटना घडली. मद्यधुंद अवस्थेत वाहन चालवणाऱ्या आरोपींवर ड्रंक अँड ड्राइव्ह प्रकरणी कारवाई करण्यात आलीय. दोघांवर गुन्हा दाखल केला असून अधिक तपास मुंढवा पोलीस करत आहेत.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
