१५ वर्षे जुन्या वाहनांची नोंदणी २० वर्षांपर्यंत वाढवण्यास परवानगी
दिल्ली : खरा पंचनामा
जुन्या वाहन मालकांसाठी एक आनंदाची बातमी आहे. केंद्र सरकारने १५ वर्षे जुन्या वाहनांची नोंदणी २० वर्षांपर्यंत वाढवण्यास परवानगी दिली आहे, यासाठी पुनर्नोदणी शुल्क वाढवण्यात आले आहे.
हा नवीन नियम "केंद्रीय मोटार वाहन नियम (तिसरी सुधारणा), २०२५" अंतर्गत लागू करण्यात आला आहे, जो २० ऑगस्ट २०२५ पासून लागू झाला आहे. हा आदेश दिल्ली-एनसीआर वगळता देशभरात लागू होईल, कारण दिल्ली-एनसीआरमध्ये आधीच १५ वर्षे जुन्या पेट्रोल आणि १० वर्षे जुन्या डिझेल वाहनांवर बंदी आहे.
१५ वर्षे जुन्या वाहनांची नोंदणी आता आणखी ५ वर्षे वाढवून २० वर्षे करता येते, जर वाहन फिटनेस चाचणी उत्तीर्ण झाले असेल. हे नूतनीकरण दर ५ वर्षांनी करावे लागते आणि यासाठी मान्यताप्राप्त ऑटोमेटेड टेस्टिंग स्टेशन (ATS) कडून फिटनेस प्रमाणपत्र घेणे अनिवार्य आहे.
रस्ते वाहतूक आणि महामार्ग मंत्रालयाने नोंदणी नूतनीकरणासाठी नवीन शुल्क निश्चित केले आहे, जे पूर्वीपेक्षा खूपच जास्त आहे. हे शुल्क जीएसटी वगळून आहे.
मोटारसायकल: २,००० रुपये (पूर्वी ३०० रुपये)
तीनचाकी सायकलः ५,०००
हलके मोटार वाहन (एलएमव्ही, जसे की कार): १०,००० रुपये (पूर्वी ६००)
आयात केलेली दुचाकी: २०,०००
आयात केलेले चारचाकी: ८०,०००
वाहनांच्या इतर श्रेणी: १२,०००
व्यावसायिक वाहनः टॅक्सीः ७,००० (पूर्वी १,०००)
बस/ट्रकः १२,५०० (पूर्वी १,५००)
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
