अभिनेत्री हुमा कुरेशीच्या भावाची हत्या
दिल्ली : खरा पंचनामा
दिल्लीतील निजामुद्दीन भागातील जंगपुरा भोगल बाजार लेनमध्ये गुरुवारी (७ ऑगस्ट २०२५) रात्री उशिरा पार्किंगच्या वादात बॉलिवूड अभिनेत्री हुमा कुरेशीचा चुलत भाऊ आसिफ कुरेशीची हत्या करण्यात आली.
दोन तरुणांनी धारदार शस्त्राने हल्ला करून आसिफ कुरेशीची हत्या केली. या घटनेशी संबंधित सीसीटीव्ही फुटेजही समोर आले आहे. सीसीटीव्ही फुटेजमध्ये स्पष्टपणे दिसत आहे की, एखाद्या गोष्टीवरून वाद झाल्यानंतर आरोपी संतापले आणि आसिफवर हल्ला केला. आरोपींपैकी एकाच्या हातात धारदार शस्त्र आहे, ज्या शस्त्राने वार करत होते.
मिळालेल्या माहितीनुसार, स्कूटी गेटवरून काढून बाजूला उभी करण्यास सांगितल्यावर वाद सुरू झाला. या किरकोळ दिसणाऱ्या वादाचे लवकरच हिंसक रूपांतर झाले. घटनेतील मुख्य आरोपी गौतम (१८) आणि उज्ज्वल (१९) यांनी मिळून आसिफवर हल्ला केला. उज्ज्वलने प्रथम हल्ला केला, त्यानंतर गौतमनेही हल्ला केला. घटनास्थळी उपस्थित असलेल्या जमावाने हस्तक्षेप करण्याचा प्रयत्न केला, आसिफच्या पत्नीनेही हल्लेखोरांना रोखण्याचा प्रयत्न केला, पण तोपर्यंत आसिफ गंभीर जखमी झाला होता.
ही घटना गुरुवार, ७ ऑगस्ट २०२५ रोजी रात्री ११ वाजताच्या सुमारास घडली. या घटनेच्या सीसीटीव्ही फुटेजमध्ये स्पष्टपणे दिसून येते की आसिफ त्याच्या घराबाहेर उभा होता, तेव्हा आरोपी आणि त्याचा साथीदार तिथे पोहोचले आणि त्याच्यावर हल्ला केला. फुटेजमध्ये आसिफची पत्नी शैना कुरेशी देखील हस्तक्षेप करताना दिसत आहे, परंतु आरोपी हल्ला करत राहिले.
या प्रकरणात पोलिसांनी दोन आरोपींना अटक केली आहे. अटकेदरम्यान पोलिसांनी हत्येत वापरलेले धारदार शस्त्र देखील जप्त केले आहे. मृत आसिफ कुरेशीच्या पत्नीचा आरोप आहे की या आरोपींनी नोव्हेंबर २०२४ मध्येही तिच्या पतीवर हल्ला केला होता, परंतु नंतर प्रकरण मिटले. यावेळी ही घटना किरकोळ पार्किंग वादातून घडली.
गंभीर जखमी असिफला ताबडतोब रुग्णालयात नेण्यात आले, परंतु डॉक्टरांनी त्याला मृत घोषित केले. पोलिसांनी दोन्ही आरोपींची ओळख पटवली आहे, जे सख्खे भाऊ आहेत. पोलिसांनी आरोपींना पकडण्यासाठी एक पथक तयार केले आहे आणि छापा टाकण्यास सुरुवात केली आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
