मंदिर, पानपट्टी फोडून चोरी करणाऱ्या तिघांना अटक
विश्रामबाग पोलिसांची कारवाई
सांगली : खरा पंचनामा
शहरातील विश्रामबाग परिसरातील मंदिर, पानपट्टी फोडून त्यातील साहित्य चोरी करणाऱ्या तिघांना अटक करण्यात आली. त्यांच्याकडून चोरलेले सर्व साहित्य जप्त करण्यात आल्याची माहिती विश्रामबागचे पोलीस निरीक्षक सुधीर भालेराव यांनी दिली.
सोहेल गफुर तांबोळी उर्फ टोल्या (वय २६, रा. हनुमान नगर, सांगली), अदित्य सुभाष गजगेश्वर (वय १८, रा. काळीवाट, सांगली), अर्जुन संदीप आढाव उर्फ बंब्या (वय १९, रा. श्रीमंत कॉलनी, सांगली) अशी अटक केलेल्यांची नावे आहेत. विश्रामबाग पोलीस ठाण्याच्या हद्दीत झालेल्या चोरीतील संशयितांना पकडण्याच्या सूचना निरीक्षक भालेराव यांनी गुन्हे प्रकटीकरण शाखेला दिल्या होत्या. त्यानुसार पथक चोरट्यांचा शोध घेत होते. पथकातील बिरोबा नरळे, आर्यन देशिंगकर यांना तांबोळी, गजगेश्वर, आढाव यांनी चोऱ्या केल्याची माहिती मिळाली.
त्यानुसार पथकाने तिघांना ताब्यात घेतले. त्यांच्याकडे कसून चौकशी केल्यावर त्यांनी स्फूर्ती चौकातील एक पानपट्टी फोडून त्यातील साहित्य चोरल्याची तसेच मंदिर फोडून त्यातील दानपेटी लंपास केल्याची कबुली दिली. तिघांना अटक करून चोरीचे सर्व साहित्य जप्त करण्यात आले.
विश्रामबागचे पोलीस निरीक्षक सुधीर भालेराव यांच्या मार्गदर्शनाखाली उपनिरीक्षक सतेज कार्वेकर, सहायक उपनिरीक्षक दिनेश माने, संदिप साळुंखे, बिरोबा नरळे, अमर मोहिते, भारत रेड्डी, प्रशांत माळी, आर्यन देशिंगकर, महंमद मुलाणी, योगेश पाटील, सचिन घोदे, उमेश कोळेकर, गणेश बामणे, सायबर पोलीस ठाण्याकडील अभिजीत पाटील यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
