इंदापुरचे जावई सिंघम अधिकारी शिवदीप लांडेंकडे 'एवढी' संपत्ती !
मुंगेर : खरा पंचनामा
बिहारचा सिंघम म्हणून ओळख असलेले माजी आयपीएस अधिकारी शिवदीप लांडे मुंगेर आणि अररिया विधानसभा मतदारसंघातून अपक्ष निवडणूक लढवत आहेत. त्यांनी दोन मतदारसंघातून उमेदवारी अर्ज दाखल केला आहे.
आयपीएस अधिकारी म्हणून सेवा केल्यानंतर आता ते राजकारणात आपलं नशीब आजमावत आहेत. शिवदीप लांडे हे शिवसेना नेते विजय शिवतारे यांचे जावई आहेत. त्यांनी निवडणूक आयोगाकडे प्रतिज्ञापत्र सादर केले आहेत त्यातून शिवदीप लांडे यांची संपत्ती समोर आली आहे.
शपथपत्रातील माहितीनुसार, शिवदीप लांडे यांच्या बँक खात्यांमध्ये २० लाख ३३ हजार रुपये इतकी रक्कम जमा आहे. विशेष म्हणजे, त्यांनी विविध क्षेत्रांमध्ये ६.६५ कोटी रुपयांची मोठी गुंतवणूक केली आहे, जी त्यांच्या एकूण संपत्तीचा मोठा भाग आहे. लांडे यांच्यावर २ कोटी ५ लाख रुपयांचे गृहकर्ज देखील आहे.
तसेच, त्यांच्याकडे २० लाख रुपये किमतीची एक कार असल्याची नोंद आहे. शिवदीप लांडे यांच्या पत्नी ममता शिवदीप लांडे या एक बिझनेस वुमन आहेत. त्यांच्याकडे १०० ग्रॅम सोने असल्याची माहिती शपथपत्रात नमूद आहे. शपथपत्रानुसार, शिवदीप लांडे यांच्यावर कोणतेही गुन्हेगारी खटले दाखल नाहीत.
शिवदीप लांडे यांनी मुंगेर मतदारसंघ विचारपूर्वक निवडला आहे. ते २००९ मध्ये मुंगेरमध्ये एएसपी म्हणून रुजू झाले होते आणि २०११ पर्यंत तिथेच काम केले. तीन वर्षांत मुंगेर मधील गुन्हेगारी संपवण्यावर भर दिला. त्यामुळे तेथिल तरुणाईत शिवदीप लांडे यांची लोकप्रियता आहे. त्यानंतर शिवदीप यांनी आयजी पदाचा राजीनामा दिला.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
