सांगलीत लॉजवर सुरु असलेल्या तीन पानी जुगार अड्डयावर छापा
सात जुगाऱ्यांना अटक : अडीच लाखांचा मुद्देमाल जप्त
सांगली : खरा पंचनामा
शहरातील मध्यवर्ती बस स्थानक ते सिव्‍हील हॉस्पिटल रस्त्यावरील एका लॉजवर सुरू असणाऱ्या तीन पानी जुगार अड्डयावर शहर पोलिसांनी छापा टाकला. यावेळी सात जुगाऱ्यांना अटक करून त्यांच्याकडून 2 लाख 52 हजार 270 रुपयांचा मुद्देमाल जप्त करण्‍यात आल्याची माहिती सांगली शहर पोलिस ठाण्याचे प्रभारी निरीक्षक अरुण सुगावकर यांनी दिली.
फारूख इलाही पखाले (वय ४०), सद्दाम इस्माईल नदाफ (वय ३२), शमशुद्दीन युसूफ पखाली (वय 37, तिघे रा. मुजावर प्लॉट, सांगली), रुणाल रणजीत कांबळे (वय २४), सुरज दस्तगीर मांजरे (वय ३८), आदित्य प्रकाश शिकलगार (वय २२, तिघे रा. हरिपूर रस्ता, सांगली), सुमीत प्रकाश चव्‍हाण (वय ५१, रा. शिवाजी मंडई, सांगली) आणि रणजीत रघुनाथ चव्‍हाण (वय ४०, रा. सांगली) अशी अटक केलेल्या जुगाऱ्यांची नावे आहेत.
सांगली शहरात सुरू असणाऱ्या अवैधधंद्यावर कारवाई करण्‍याचे आदेश पोलिस निरीक्षक अरुण सुगावकर यांनी गुन्हे प्रकटीकरण पथकास आदेश दिले होते. त्यानुसार बस स्थानक ते सिव्‍हील हॉस्पिटल रस्त्यावरील एका लॉजमध्ये सात जण तीन पानी जुगार खेळत असल्याची माहिती मिळाली. त्यानुसार पथकाने त्या ठिकाणी छापा टाकून ही कारवाई केली. याप्रकरणी सात जणांना अटक करण्‍यात आली आहे. याबाबत सांगली शहर पोलिस ठाण्‍यात नोंद करण्‍यात आली आहे.
पोलीस निरीक्षक अरुण सुगावकर यांच्या मार्गदर्शनाखाली उप निरीक्षक महादेव पोवार, संदीप पाटील, सतिश लिबळे, संतोष गळवे, गौतम कांबळे, प्रशांत पुजारी, योगेश सटाले, विशाल कोळी, गणेश कोळेकर, दिग्विजय सांळुखे, योगेश हाक्के यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
