डोक्यात दगड घालून जयसिंगपूर येथील तरुणाचा निर्घृण खून
उदगावमध्ये कृष्णा नदी काठावरील घटना : काही संशयित ताब्यात
जयसिंगपूर : खरा पंचनामा
शिरोळ तालुक्यातील उदगावमधील कृष्णा नदी काठावर डोक्यात दगड घालून जयसिंगपूर येथील तरुणाचा निर्घृणपणे खून करण्यात आला. रविवारी दुपारी ही घटना घडली. याप्रकरणी जयसिंगपूर पोलीस ठाण्यात गुन्हा दाखल करण्याचे काम सुरु असून पोलिसांनी काही जणांना संशयावरून ताब्यात घेतल्याचे समजते. दरम्यान खुनाचे नेमके कारण स्पष्ट झालेले नाही.
लखन सुरेश घावट उर्फ बागडी (वय ३५, रा. जयसिंगपूर) असे मृताचे नाव आहे. लखन घावट हा आपल्या काही मित्रांसोबत कृष्णा नदी काठावरील जॅकवेल जवळ पार्टीसाठी गेला होता. पार्टीदरम्यान किरकोळ कारणावरून वाद झाला. या वादाचे रूपांतर मारामारीत झाले आणि त्यात एकाने लखनच्या डोक्यात दगड घातला. त्यानंतर गंभीर जखमी अवस्थेत त्याला सांगलीच्या सिव्हिल हॉस्पिटलमध्ये दाखल करण्यात आले. मात्र प्रकृती गंभीर असल्याने पुढील उपचारासाठी खाजगी रुग्णालयात हलवण्यात आले. तेथे उपचारावेळी त्याचा मृत्यू झाल्याचे वृत्त आहे.
घटनेची माहिती मिळताच जयसिंगपूर पोलिसांनी घटनास्थळी धाव घेतली. घटनास्थळाचा पंचनामा करून संशयितांच्या शोधासाठी पथके पाठवण्यात आली आहेत. खुनाचे नेमके कारण मात्र अद्याप स्पष्ट झालेले नाही.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
