तासगाव येथे गांजा विक्रीसाठी आलेल्या एकाला अटक
कारसह 9 लाखांचा मुद्देमाल जप्त
सांगली : खरा पंचनामा
तासगाव-आरवडे रस्त्यावरील एका हॉटेलजवळ गांजा विक्रीसाठी आलेल्या एकाला अटक करण्यात आली. त्याच्याकडून कार, 4.300 किलो गांजा असा 9 लाखांचा मुद्देमाल जप्त करण्यात आला आहे. तासगाव पोलिसांनी ही कारवाई केली.
सचिन आप्पासो निकम (वय ३०, रा. निकमवस्ती डोंगरसोनी, ता. तासगाव) असे अटक केलेल्याचे नाव आहे. तर आप्पासो जाधव (रा. खरसुंडी ता. आटपाडी) पसार झाला आहे. अंमली पदार्थाची विक्री, साठा, तस्करी करणाऱ्यांवर कारवाई करण्याच्या सूचना निरीक्षक शेवाळे यांनी गुन्हे प्रकटीकरण शाखेला दिल्या होत्या. त्यानुसार पथक त्यांचा शोध घेत होते. पथकाला एक तरुण तासगाव-आरवडे रस्त्यावरील एका हॉटेल जवळ कारमधून गांजा विक्री करण्यासाठी येणार असल्याची माहिती मिळाली.
पथकाने तेथे सापळा रचून सचिन निकम याला ताब्यात घेतले. त्याच्या कारची तपासणी केल्यावर त्यामध्ये 4.300 किलो गांजा सापडला. त्याबाबत कसून चौकशी केल्यावर त्याने खरसुंडी येथील आप्पासो जाधव याच्याकडून तो गांजा विक्रीसाठी आणल्याची कबुली दिली. त्याला अटक करून कारसह गांजा जप्त करण्यात आला.
तासगावचे पोलीस उपाधीक्षक अशोक भवड, निरीक्षक संग्राम शेवाळे यांच्या मार्गदर्शनाखाली सहायक निरीक्षक बिरुदेव काबुगडे, उपनिरीक्षक अविनाश घोरपडे, अभिजीत गायकवाड, अमित परीट, अमर सुर्यवंशी, प्रशांत चव्हाण, विठ्ठल सानप, विवेक यादव यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
