नगरपरिषदेसाठी मतदानाची वेळ बदलली!

नगरपरिषदेसाठी मतदानाची वेळ बदलली!

मुंबई : खरा पंचनामा

महाराष्ट्रातील नगरपरिषदा आणि नगरपंचायतींच्या निवडणुकीसाठी आता मतदानाची वेळ सकाळी 7:30 वाजता सुरू होऊन सायंकाळी 5:30 वाजेपर्यंत असेल. निवडणूक आयोगाने संपूर्ण यंत्रणा सज्ज केली असून, या निवडणुकीत एकूण 1 कोटी 7 लाखांहून अधिक मतदार मतदान करतील.

मतदानासाठी आवश्यक त्या ईव्हीएम आणि इतर उपकरणांची व्यवस्था पूर्ण केली गेली आहे. मतमोजणी 3 डिसेंबर रोजी सकाळी 10 वाजता सुरू होणार आहे.

निवडणूक आयोगाने दुबार मतदान टाळण्यासाठी विशेष खबरदारी घेतली असून, मतदार यादीतील संभाव्य दुबार मतदारांच्या नावांसमोर डबल स्टार चिन्ह ठेवण्यात आले आहे. त्यामुळे कोणताही मतदार एकाहून अधिक ठिकाणी मतदान करू शकणार नाही.

राज्यातील नगरपरिषदा आणि नगरपंचायतींच्या निवडणुकीसाठी सर्व अधिकारी आणि कर्मचारी तैनात असून, मतदान सुरळीत पार पडण्यासाठी सर्व तयारी पूर्ण आहे.

कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.