पीएफचे पैसे देण्यासाठी दोन हजारांची लाच स्वीकारताना दोन लेखा सहायकांना अटक
जयसिंगपूरच्या एकाचा समावेश : सांगली एसीबीची कारवाई
सांगली : खरा पंचनामा
पीएफ (भविष्य निर्वाह निधी) मधील पाच लाख रुपये देण्यासाठी अडीच हजारांची लाच मागून दोन हजार रुपये स्वीकारताना वरिष्ठ तसेच कनिष्ठ लेखा सहायकांना अटक करण्यात आली. याबाबत विश्रामबाग पोलीस ठाण्यात गुन्हा दाखल करण्यात आल्याची माहिती सांगली एसीबीच्या पोलीस उपाधीक्षक यास्मिन इनामदार यांनी दिली.
वरिष्ठ सहाय्यक (लेखा) पुजन विलास भंडारे (वय ३१, रा. जुना स्टॅण्ड रोड, भोई गल्ली, कासेगाव ता. वाळवा नि. सांगली), कनिष्ठ सहाय्यक (लेखा) निखील राजीव कांबळे (वय ३५, रा. ६. माता सावित्रीबाई फुले, सोसायटी, नांदणी रोड, मौजे संभाजीपुर, जयसिंगपूर ता. शिरोळ जि. कोल्हापूर) अशी अटक केलेल्यांची नावे आहेत. तक्रारदार हे लोकसेवक असून त्यांचे भविष्य निर्वाह निधी मधील ५ लाख रुपये मंजूर रक्कम काढण्याकरीता सदर मंजुर प्रस्तावाचे बिल ट्रेझरी ऑफिस येथे पाठविण्याकरीता आलीसे भंडारे यांनी तक्रारदार यांच्याकडे पैशाशिवाय सहकार्य होत नाही असे म्हणून लाच मागणी केल्याची तक्रार सांगलीतील लाचलुचपत प्रतिबंधक विभागाकडे दिली होती.
तक्रारीची गुरुवारी पडताळणी केली असता भंडारे यांनी तक्रारदार यांच्याकडे तक्रारदार यांचे भविष्य निर्वाह निधी मधील मंजूर रक्कम काढण्याकरीता सदर मंजुर प्रस्तावाचे बिलावर वरिष्ठ अधिकारी लेखा विभाग जिल्हा परिषद सांगली यांच्या सहया घेऊन ते ट्रेझरी ऑफिस येथे पाठविण्याकरीता पहिल्यांदा २.५ हजार रुपये लाचेची मागणी करुन ते स्विकारण्याचे मान्य केले. तसेच कांबळे यानी लाच मागणी चर्चेमध्ये सहभागी होऊन भंडारे यांनी मागितलेली लाच रक्कम देण्याकरिता तक्रारदार यांना प्रोत्साहित केले तसेच तक्रारदार यांचे काम करुन देण्याची हमी दोघांनी दिली.
गुरुवारी दुपारी भंडारे यांना तक्रारदार यांचेकडून २ हजार रुपये लाच रक्कम स्विकारताना सांगलीतील भविष्य निर्वाह निधी वित्त विभाग, कार्यालय जिल्हा परिषद येथे रंगेहात पकडण्यात आले आहे. तसेच कांबळे यांना सुध्दा कार्यालयातून ताब्यात घेण्यात आले आहे.
लाच लुचपत प्रतिबंधक विभागाच्या पोलीस उपाधीक्षक यास्मिन इनामदार यांच्या मार्गदर्शनाखाली पोलीस निरीक्षक किशोरकुमार खाडे, प्रीतम चौगुले, अजित पाटील, उमेश जाधव, चंद्रकांत जाधव, पोपट पाटील, ऋषिकेश बडणीकर, धनंजय खाडे, सुदर्शन पाटील, सलीम मकानदार रामहरी वाघमोडे, अतुल मोरे, सीमा माने, विणा जाधव यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
