पंकजा मुंडेंच्या पीएच्या अडचणी वाढल्या : डॉ. गौरी गर्जे यांच्या शवविच्छेदन अहवालातून धक्कादायक खुलासा
मुंबई : खरा पंचनामा
भाजपच्या नेत्या आणि मंत्री पंकजा मुंडे यांचे पीए अनंत गर्जे यांची बायको डॉक्टर गौरी गर्जे-पालवे आत्महत्या प्रकरणात मोठी अपडेट समोर आली आहे. गौरी यांनी आत्महत्या केली नसून त्यांची हत्या करण्यात आल्याचा आरोप त्यांच्या कुटुंबीयांनी केला होता. आता गौरी यांचा शवविच्छेदन अहवाल समोर आला असून यामधून धक्कादायक माहिती समोर आली आहे. प्राथमिक शवविच्छेदन अहवालातून गौरी यांचा मृत्यू अनैसर्गिक असल्याचे नमूद करण्यात आले आहेत. गळ्यावर दाब पडल्यामुळे त्यांचा मृत्यू झाल्याचे त्यात म्हटले आहे.
डॉ. राजेश ढेरे यांनी डॉक्टर गौरी गर्जे यांच्या शवविच्छेदन अहवालाबाबत माहिती सांगितली. ते म्हणाले की, या प्राथमिक अहवालामध्ये ओपिनिअन रिझर्व्हड एव्हिडन्स ऑफ नेगेचर कम्प्रेशन ऑफ नेक असे लिहिले आहे. म्हणजे गौरी यांचा मृत्यू गळ्यावर दाब पडल्यामुळे झाला असावा. या शवविच्छेदन अहवालामध्ये गौरी यांचा मृत्यू अनैसर्गिक असल्यावर शेरा देण्यात आला आहे. पण अंतिम शवविच्छेन अहवाल आल्यानंतर मृत्यूमागचं खरं कारण देखील स्पष्ट होईल.
गौरी यांच्या कुटुंबीयांनी त्यांना मारहाण केली जात असल्याचा देखील आरोप केला होता. त्यामुळे त्यांच्या मृतदेहावर आणखी काही जखमा, खुणा होत्या का? याची माहिती अंतिम शवविच्छेदन अहवालातून समोर येईल. डॉक्टर गौरी यांच्या आत्महत्येप्रकरणी वरळी पोलिस तपास करत आहे. त्यांनी या प्रकरणी गौरी यांचा नवरा अनंत गर्गेसह नणंद आणि दिराविरोधात गुन्हा दाखल केला.
मध्यरात्री १ वाजता अनंत गर्गेला पोलिसांनी अटक केली. त्यांची सध्या चौकशी सुरू आहे. पोलिसांनी घटनास्थळावरून काही वस्तू पुरावे म्हणून ताब्यात घेतल्या आहेत. त्याचसोबत फॉरेन्सिक टीम देखील घटनस्थळावरून पुरावे गोळा करत आहे. आज टीम देखील घटनस्थळावरून पुरावे गोळा करत आहे. आज डॉक्टर गौरी यांच्या पार्थिवावर त्यांच्या सासरी पाथर्डी येथे अंत्यसंस्कार करण्यात आले. यावेळी गौरी यांच्या नातेवाईकांनी टाहो फोडला.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
