सोनी येथील सराईत गुन्हेगार उत्तम नरुटे वर्षासाठी सांगली जिल्हयातून हद्दपार
मिरज : खरा पंचनामा
स्थानिक स्वराज्य संस्थांच्या निवडणुकांच्या पार्श्वभूमीवर मिरज तालुक्यातील सोनी येथील सराईत गुन्हेगार उत्तम अशोक नरुटे (वय २८, रा. ग्रामपंचायत पाठीमागे सोनी ता. मिरज, जि. सांगली) याला एक वर्षासाठी सांगली जिल्ह्यातून हद्दपार करण्याचे आदेश प्रांतधिकाऱ्यांनी दिल्याची माहिती मिरज ग्रामीणचे प्रभारी पोलीस निरीक्षक अजित सिद यांनी दिली.
पोलीस अधीक्षक संदीप घुगे, अपर पोलीस अधिक्षक कल्पना बारवकर, उपविभागीय पोलीस अधिकारी प्रणिल गिल्डा यांच्या मार्गदर्शानाखाली पोलीस निरीक्षक अजित सिद यांनी आगामी निवडणुका सुरळीत व शांतेतत पार पाडणेकरीता रेकॉर्डवरील आरोपी नरुटे याचं वास्तव्यामुळे सार्वजनिक शांततेचा भंग होवुन कायदा व सुव्यवस्थेचा प्रश्न निर्माण होत असलेने त्याचे विरुध्द प्रांतअधिकारी मिरज यांचेकडे महाराष्ट्र पोलीस अधिनियम कलम ५६(१) (अ) (ब) प्रमाणे सांगली जिल्हा कार्यक्षेत्राच्या हद्दीमध्ये प्रवेश करण्यास आणि निवास करण्यास मनाई करणंवाचन प्रस्ताव पाठविला होता. प्रांतअधिकारी उत्तम दिघे यांनी मदर प्रस्तावावरती सुनावणी व चौकशी करुन दि. २९ नोव्हेंबरपासुन एक वर्षाकालावधी करीता सांगली जिल्हयातुन हद्दपार करण्याचे आदेश दिले आहेत. तसेच आणखीन काही रेकॉर्डवरील गुन्हेगार यांचेवर हद्दपारी प्रस्तावीत असल्याचे निरीक्षक सिद यांनी सांगितले.
सदरची कारवाई व संबंधीत आरोपीविरुध्द प्रस्ताव तयार करण्याची कामगिरी मिरज ग्रामीण पोलीस ठाण्याचे प्रभारी निरीक्षक अजित सिद यांच्या मार्गदर्शनाखाली पोलीस उपनिरीक्षक पांडुरंग मुढे, विकास भोसले, सविता माळी, सुनंदा लोहार, सुहास कुंभार यांनी केली आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
