किराणा दुकानदाराच्या खुनप्रकरणी चौघांना अटक : कोल्हापूरच्या जांभळीतील एकाचा समावेश
मिरवणूकीतील वादातून काढला काटा : सांगली एलसीबीची कारवाई
सांगली : खरा पंचनामा
तासगाव तालुक्यातील डुबल धुळगाव येथील किराणा दुकानदार राजीव खांडे याचा खून केल्याप्रकरणी चौघांना अटक करण्यात आली आहे. गावातील डॉ. आंबेडकर जयंतीच्या मिरवणुकीत पुढे पुढे करत असल्यामुळे खांडे याचा खून केल्याची कबुली त्यांनी दिल्याची माहिती एलसीबीचे वरिष्ठ पोलीस निरीक्षक सतिश शिंदे यांनी दिली.
आंनद ऊर्फ विनोद प्रशांत लोखंडे (वय १९, रा. सोनी, ता. मिरज), आयुश परशुराम कांबळे (वय २२, रा. जांभळी, ता. शिरोळ, जि. कोल्हापुर सध्या रा. धुळगाव ता. मिरज), गिरीश कुमार ऊर्फ मारी गुंडाराज चंदनशिवे, (वय १९, रा. सोनी, ता. मिरज), विशाल माणिक धेंडे (वय २७, रा. धुळगाव, ता. तासगाव, जि. सांगली) अशी अटक केलेल्यांची नावे आहेत. बुधवारी दुपारी साडेतीनच्या सुमारास धुळगाव ते सांबरवाडी रस्त्यावरील घोलाचा ओढा येथे अज्ञातानी राजीव खांडे याचा डोक्यात दांडके घालून खून केला होता. यातील संशयितांना पकडण्यासाठी निरीक्षक शिंदे यांनी सहायक निरीक्षक पंकज पवार यांचे पथक तयार केले होते.
पथकातील सागर टिंगरे, सागर लवटे यांना हा खून आनंद लोखंडे, आयुष कांबळे, गिरीश चंदनशिवे, विशाल धेंडे यांनी केल्याचे तसेच ते रत्नागिरी-पंढरपूर एक्सप्रेस वेवरील सिद्धेवाडी खण येथील उड्डाण पुलाजवळ थांबल्याची माहिती मिळाली. पथकाने तेथे जाऊन त्यांना ताब्यात घेतले. त्यांच्याकडे कसून चौकशी केल्यावर त्यांनी गेल्या वर्षी डॉ. आंबेडकर जयंतीच्या मिरवणुकीत पुढे पुढे करण्यावरून खांडे याच्याशी वाद झाल्याचे सांगितले. त्या वादाच्या रागातून खून केल्याची कबुली त्यांनी दिली. त्यांना अटक करून तासगाव पोलिसांच्या ताब्यात देण्यात आले आहे.
एलसीबीचे वरिष्ठ पोलीस निरीक्षक सतिश शिंदे यांच्या मार्गदर्शनाखाली सहायक निरीक्षक पंकज पवार, सागर लवटे, संदीप नलावडे, सागर टिंगरे, संदीप गुरव, सतिश माने, मच्छिद्र बर्डे, अभिजीत ठाणेकर, उदयसिंह माळी, अमिरशा फकीर, अमर नरळे, महादेव नागणे, विक्रम खोत, केरूबा चव्हाण, सायबर पोलीस ठाण्याचे अभिजीत पाटील यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
