गुन्हे शाखेचे पोलीस अधिकारी असल्याची बतावणी करत हॉटेल व्यावसायिकाकडूंन उकळली खंडणी !
महाळुंगे पोलीस ठाण्यात गुन्हा दाखल, चार जणांना अटक
पिंपरी चिंचवड : खरा पंचनामा
पिंपरी चिंचवड परिसरांतील म्हाळुंगे इंगळे परिसरांत एका हॉटेलमध्ये पाच जणांनी घुसून दमदाटी व स्वतःला गुन्हे शाखेचे पोलीस अधिकारी असल्याचे सांगून 45 हजार रुपयांची खंडणी घेतली तसेच दोन लाख रुपयांची मागणीही केली. या प्रकरणात पाच जणांच्या विरोधात खंडणीचा गुन्हा दाखल करून पोलिसांनी चार आरोपींना अटक केली आहे.
भारत चंद्रकांत ओव्हळ (वय 29, लक्ष्मी चौक हिंजवडी), पांडुरंग तुकाराम साळुंखे (वय 32, वडगांव बुद्रुक पुणे), कल्पेश संजय खैरनार (वय 29, मोशी), किरण शशिकांत लोखंडे (वय 33, शरदनगर मोशी) अशी अटक करण्यात आलेल्या आरोपींची नावे आहेत. याबाबत संबंधित हॉटेल मालकांने महाळुंगे एमआयडीसी पोलीस ठाण्यात फिर्याद दिली आहे. पोलिसांकडून मिळालेल्या माहितीवरून आरोपी 19 नोव्हेंबर रोजी दुपारी दोनच्या सुमारांस फिर्यादी यांच्या हॉटेलमध्ये आले असता हॉटेलचे शटर खाली ओढून आत येवुन गिऱ्हाईकांना बाहेर काढले. फिर्यादी यांना आत टाकण्याची धमकी दिली. तसेच आरोपी पांडुरंग साळुंखे यांनी आपण गुन्हे शाखेचे पोलीस अधिकारी असल्याचे सांगून दोन लाख रुपयांची मागणी केली. एटीएम मधून 45 हजार रुपये काढून आरोपींना देण्यास भाग पाडले. अधिक तपास महाळुंगे एमआयडीसी पोलीस ठाणेचे पोलीस निरीक्षक निलेश सूर्यवंशी यांच्या मार्गदर्शनाखाली पोलीस उपनिरीक्षक जायभाये तपास करीत आहेत.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
