लोकशाहीच्या उत्सवाला गालबोट !
रायगडमध्ये शिवसेना विरुद्ध राष्ट्रवादीत, तर बदलापूर पोलीस ठाण्याबाहेर भाजप विरुद्ध शिवसेना शिंदे गटात तुफान राडा
मुंबई : खरा पंचनामा
रायगडच्या राजकीय वर्तुळातुन मोठी बातमी समोर आली आहे. शिवसेना विरुद्ध राष्ट्रवादीत तुफान राडा झाला आहे. यात वाहनांचीहीमोठ्याप्रमाणात तोडफोड करण्यात आल्याचीमाहिती आहे. विकास गोगावले विरुद्ध सुशांत जाबरे यांच्या समर्थकांमध्ये हि मोठी हाणामारी झाली आहे. यात सुशांत जाबरे यांच्या वाहनांची तोडफोड करण्यात आली आहे. दरम्यान महाडमध्ये मोठी दंगल होऊन आता राजकीय उलथापालथ होण्याची दाट शक्यता वर्तवली जात आहे. महाडमधील नवे नगर परिसरात हि हाणामारी झाली आहे. या राड्यात सुशांत जाबरे याला बेदम मारहाण करण्यात आली असून सुशांत जाबरे यांच्या सुरक्षा रक्षकाला देखील गोगावले समर्थकांकडून चोप देण्यात आली आहे.
सुशांत जाबरे यांनी काही दिवसांपूर्वी शिंदे सेनेतून अजित दादांच्या राष्ट्रवादीत प्रवेश केला होता. सुशांत जाबरे हे महाड मधील नगरपालिका निवडणुकीच्या बूथ केंद्रावर पाहणी करण्यासाठी आले असता राडा झाला. विकास गोगावले यांच्या समर्थकांना रिवाल्वर दाखवल्यामुळे सुशांत साबळेंच्या समर्थकांना चोप देण्यात आल्याचे बोललं जात आहे.
दुसरीकडे बदलापूर पोलीस ठाण्याबाहेर मध्ये देखील दोन गटात राडा झाल्याचीमाहिती आहे. महायुतीतील मित्रपक्ष भाजप आणि शिवसेना शिंदे गटात हा तुफान राडा झाला आहे. भाजप उमेदवार रमेश सोळसे त्यांच्या मुलाला मारहाण केल्यानंतर हा राडा झाला आहे. पोलिसांनी घटनास्थळी दाखल होत लाठी चार्ज करत गर्दी पांगवली आहे. प्रभाग क्रमांक 22 मध्ये मतदान केंद्राच्या बाहेर उभा असताना मुलाला मारहाण करत असल्याचा जाब विचारल्याने हा राडा झाल्याचीमाहिती आहे. शिवसेना शिंदे गटाचे उमेदवार निशा ठाकरे या ठिकाणी भाजप उमेदवार विरुद्ध निवडणूक लढत आहे. सध्याया परिसरात तणावाचा वातावरण असून पोलिसांचा बंदोबस्त तैनातकरण्यात आला आहे. तर याप्रकरणी पोलीस ठाण्यात गुन्हा दाखल करण्याची प्रक्रिया सुरू आहे.
तर दुसरीकडे चिपळूणमध्ये देखील असाच एक राडा झाल्याचे बघायला मिळालंय. बूथ लावण्यावरून चिपळूणच्या गोवळकोट परिसरात दोन गटात जोरदार बाचाबाची झालीय. काँग्रेस आणि शरद पवारांच्या राष्ट्रवादी काँग्रेसचे कार्यकर्ते आमने-सामने आलेआहे. 100 मीटरच्या आत बूथ लावल्याच्या कारणावरून काँग्रेस कार्यकर्ते आक्रमक झाले. दोन गटात शाब्दिक चकमक होऊन वाद झाल्याची माहिती आहे. परिणामीघटनास्थळी पोलिसांचा मोठा फौज फाटा गोवळकोट येथे दाखल झाला आहे. निवडणूक अधिकारी विशाल भोसले ही घटनास्थळी दाखल झालेआहे. राष्ट्रवादी काँग्रेस पक्षाच्या शरद पवार गटाच्या उमेदवाराने 100 मीटरच्या आत बुथ लावल्याचा काँग्रेसचा आरोप आहे. त्यावरूनच हा वाद विकोपाला गेल्याची माहिती आहे.
तर तिकडे जळगावच्या मुक्ताईनगरमध्ये दोन कट्टर विरोधक मतदान केंद्रावर आमने-सामने आल्याचे चित्र बघायलामिळाले आहे. शिवसेनेचे आमदार चंद्रकांत पाटील आणि एकनाथ खडसे मतदारांच्या भेटीगाठी घेताना वाहनेआमने-सामने आल्याने गोंधळाचं वातावरण निर्माणझालं. यावर बोलताना, एकनाथ खडसे म्हणालेकि, आमदार मला ओव्हरटेक करून पुढे गले. गुंडगिरी आमदारांची वाढलीय. तर एकनाथ खडसेंना माझी हवा सहन होत नाही. ओव्हरटेक करणं हा काय कायद्याचा भंग आहे का? गावात राहणं बंद करायचं का? खडसे स्वतः रस्ता अडवताय, गुंडगिरी तेच करताय. मी एक गरीब माणूस आहे. अशी प्रतिक्रिया आमदार चंद्रकांत पाटील यांनी यावर दिली आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
