राज्यात देवेंद्र फडणवीसांचा सुपर स्ट्राइक!
'मित्र' आणि 'शत्रू' दोघांना धोबीपछाड, राज्यातील 13 महानगरपालिकेत भाजपची एकहाती सत्ता
मुंबई : खरा पंचनामा
महाराष्ट्राच्या शहरी राजकारणात भाजपने मोठा धक्का दिला आहे. इचलकरंजी, पुणे, धुळे, पिंपरी-चिंचवड, नवी मुंबई, पनवेल, उल्ल्हासनगर, मीरा-भाईंदर, नाशिक, नागपूर, नांदेड, सांगली आणि जालना या तब्बल 13 महानगरपालिकांमध्ये भाजपने एकहाती सत्ता मिळवत वर्चस्व सिद्ध केले आहे.
या निकालांमुळे राज्याच्या राजकीय नकाशावर भाजपचे वर्चस्व अधिक ठळक झाले असून, मुख्यमंत्री देवेंद्र फडणवीस यांचा प्रभाव पुन्हा एकदा निर्णायक ठरल्याची चर्चा रंगू लागली आहे.
महानगरपालिका निवडणूक निकालानंतर राज्याच्या राजकारणात पुन्हा एकदा मुख्यमंत्री देवेंद्र फडणवीस यांचा 'मॅजिक' चालल्याचे पाहायला मिळत आहे. 29 महत्त्वाच्या महानगरपालिका निवडणुकांमध्ये भारतीय जनता पक्षाने (भाजप) 13 ठिकाणी एकहाती सत्ता मिळवत ऐतिहासिक विजय नोंदवला आहे. इचलकरंजीपासून नागपूरपर्यंत आणि नाशिकपासून नवी मुंबईपर्यंत कमळ फुलले आहे. वरचष्मा कायम राखला आहे. खालील महत्त्वाच्या शहरांमध्ये भाजपने निर्विवाद बहुमत मिळवले आहे:
पश्चिम महाराष्ट्रः इचलकरंजी आणि सांगलीत भाजपने विरोधकांना पुन्हा हादरा दिला.
उत्तर महाराष्ट्रः नाशिक आणि धुळे या दोन्ही महत्त्वाच्या शहरांत भाजपने स्पष्ट बहुमत मिळवले.
विदर्भ व मराठवाडाः भाजपचा बालेकिल्ला असलेल्या नागपूरमध्ये पुन्हा एकदा सत्ता राखली असून, नांदेड आणि जालन्यातही भाजपचा झेंडा फडकला आहे.
मुंबई महानगर क्षेत्र (MMR): नवी मुंबई, पनवेल, उल्हासनगर,
मीरा-भाईंदर यांसारख्या विकसित शहरांमध्ये मतदारांनी भाजपच्या 'विकास' मॉडेलला कौल दिला आहे.
या विजयाचे संपूर्ण श्रेय मुख्यमंत्री देवेंद्र फडणवीस यांच्या नियोजनाला आणि धडाडीच्या नेतृत्वाला दिले जात आहे. फडणवीस यांनी ज्या पद्धतीने निवडणूक प्रचाराची धुरा सांभाळली आणि प्रत्येक शहराच्या स्थानिक प्रश्नांना केंद्रस्थानी ठेवून रणनीती आखली, त्याचेच हे फळ असल्याचे राजकीय विश्लेषकांचे मत आहे.
13 महापालिकेत भाजपची सत्ता
इचलकरंजी, पुणे, धुळे, पिंपरी-चिंचवड, नवी मुंबई, पनवेल, उल्ल्हासनगर, मीरा-भाईंदर, नाशिक, नागपूर, नांदेड, सांगली, जालना
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
