सांगलीत देशी बनावटीची 6 पिस्तूल, 3 काडतूसे जप्त : हद्दपार गुन्हेगारासह तिघांना अटक
4.21 लाखांचा मुद्देमाल हस्तगत : एलसीबीची कारवाई
सांगली : खरा पंचनामा
सांगलीतील अकुजनगर ते वारणाली रस्त्यावर बेकायदा देशी बनावटीची पिस्तूल बाळगणाऱ्या हद्दपार गुन्हेगारासह तिघांना अटक करण्यात आली. त्यांच्याकडून 6 पिस्तूल, 3 काडतूसे असा 4.21 लाखांचा मुद्देमाल जप्त करण्यात आला आहे. सांगली एलसीबीने ही कारवाई केली.
किरण शंकर लोखंडे (वय २४, रा. वाघमोडेनगर, कुपवाड), अभिजीत अरुण राणे (वय ३२, रा. शारदानगर, कुपवाड रोड, सांगली), तुषार नागेश माने (वय ३०, रा. लक्ष्मी मंदीर, हाडको कॉलनी, कुपवाड रोड, सांगली) अशी अटक केलेल्यांची नावे आहेत तर पाजी (पूर्ण नाव माहीत नाही, रा. उमराटी गाव, पोस्ट बलवाडी, मध्यप्रदेश) असे पसार झालेल्याचे नाव आहे. जिल्ह्यात बेकायदा पिस्तूल, गावठी कट्टे घेऊन फिरणाऱ्यांवर कारवाई करण्यासाठी एलसीबीचे पोलीस निरीक्षक संजीव झाडे यांनी सहायक निरीक्षक जयदीप कळेकर यांचे पथक तयार केले होते. पथक अशा गुन्हेगारांचा शोध घेत होते.
पथकातील संकेत कानडे, अभिजित माळकर यांना रेकॉर्डवरील तसेच हद्दपार असलेला गुन्हेगार किरण लोखंडे अकुजनगर ते वारणाली रस्त्यावर दोन साथीदारांसोबत पिस्तूल घेऊन थांबल्याची माहिती खबऱ्याद्वारे मिळाली. पथकाने तेथे जाऊन तिघांना ताब्यात घेतले. त्यांची तपासणी केल्यावर त्यांच्याजवळ 6 पिस्तूल, 3 काडतूसे सापडली. ती जप्त करून त्यांना अटक करण्यात आली. त्यांच्याकडील दुचाकी (एम एच 10 एव्ही 1827) जप्त करण्यात आली. त्यांना संजयनगर पोलिसांच्या ताब्यात देण्यात आले आहे.
एलसीबीचे पोलीस निरीक्षक संजीव झाडे यांच्या मार्गदर्शनाखाली सहायक निरीक्षक जयदीप कळेकर, संदीप पाटील, अतुल माने, अरुण पाटील, प्रकाश पाटील, संदीप गुरव, रणजीत जाधव, उदयसिंह माळी, संकेत कानडे, पवन सदामते, अभिजीत माळकर, सुरज थोरात, विनायक सुतार, रोहन घस्ते, सायबर पोलीस ठाण्याचे अजय पाटील, अभिजीत पाटील यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
