डिजिटल पुराव्याचे पेन ड्राईव्ह सर्व आरोपींना उपलब्ध करून द्या
मकोका कोर्टाचे आदेश : सरपंच संतोष देशमुख खून प्रकरण
बीड : खरा पंचनामा
बीड जिल्ह्यातील केज तालुक्यातील मस्साजोगचे सरपंच संतोष देशमुख यांच्या हत्या प्रकरणी मोठी अपडेट समोर आली आहे. या बहुचर्चित प्रकरणाने राज्यातील राजकीय वातावरण चांगलंच ढवळून निघालं आहे.
या हत्याकांड प्रकरणी गुरुवारी (8 जानेवारी) बीड येथील विशेष मकोका कोर्टात झाली. या सुनावणीत पुराव्यांची देवाणघेवाण, आरोपींचे अर्ज आणि तांत्रिक कागदपत्रांवरून जोरदार खडाजंगी पाहायला मिळाली. या प्रकरणाची पुढील सुनावणी आता 23 जानेवारी 2026 रोजी होणार आहे.
या प्रकरणातील महत्त्वाचे डिजिटल पुरावे असलेले पेन ड्राईव्ह सर्व आरोपींना उपलब्ध करून द्यावेत, असे आदेश कोर्टाने दिले आहेत. पुराव्यांच्या पारदर्शकतेसाठी ही मागणी आरोपी पक्षाकडून करण्यात आली होती. त्यावर कोर्टान आरोपींना पेन ड्राईव्ह देण्याचे निर्देश दिले आहेत. त्याचबरोबर लॅपटॉपची क्लोन कॉपी आणि तपासी अधिकाऱ्यांचे म्हणणे आरोपी पक्षाने पुराव्याचा भाग म्हणून लॅपटॉपची 'क्लोन कॉपी' मिळावी, अशी मागणी कोर्टासमोर केली. यावर तपासी अधिकारी आणि सरकारी पक्षाने आपले म्हणणे मांडण्यासाठी वेळ मागितला असून, येत्या 15 कार्यालयीन दिवसांत यावर लेखी उत्तर सादर करण्याचे आश्वासन दिले आहे.
या खटल्यातील काही आरोपींनी आपले वकील बदलण्याची मागणी केली आहे. यावर विशेष सरकारी वकील उज्ज्वल निकम यांनी आपले लेखी म्हणणे सादर करावे, असे निर्देश कोर्टाने दिले आहेत.
या प्रकरणातील एक प्रमुख आरोपी विष्णू चाटे याने आपले कारागृह बदलून मिळावे, यासाठी कोर्टाकडे अर्ज केला आहे. त्याच्या वकिलांमार्फतही यासंदर्भात विनंती करण्यात आली असून, सुरक्षेच्या किंवा इतर कारणास्तव हा बदल मागितल्याचे समजते.
सरकारी पक्षाकडून पुराव्यांची यादी सादर आजच्या सुनावणीत सरकारी पक्षाने कलम 330 नुसार कागदपत्रांवर आधारित पुराव्यांची सविस्तर यादी कोर्टासमोर सादर केली. या पुराव्यांच्या यादीवर आता आरोपी पक्षाला आपले म्हणणे मांडायचे असून, कोर्टाने त्यांना तशा सूचना दिल्या आहेत.
दरम्यान, 9 डिसेंबर 2024 रोजी मस्साजोगचे सरपंच संतोष देशमुख यांचे अपहरण करून त्यांची अमानुष हत्या करण्यात आली होती. या प्रकरणात वाल्मीक कराडसह अनेक आरोपी अटकेत आहेत. या प्रकरणाचा तपास सीआयडी करत आहे. या प्रकरणातील तांत्रिक पुरावे आणि डिजिटल डेटा खटल्याच्या दृष्टीने अत्यंत महत्त्वाचा ठरणार आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
