शरद पवार, पार्थ पवार अन् जय पवारांमध्ये बैठक, अजितदादांची बहीणही उपस्थित
बारामती : खरा पंचनामा
ज्येष्ठ नेते शरद पवार हे बारामतीमध्ये आहेत. ते अध्यक्ष असलेल्या विद्या प्रतिष्ठाण संस्थेमध्ये बैठकीचे आयोजन करण्यात आले आहे. या बैठकीत शरद पवारांसह पार्थ पवार, जय पवार आणि अजित पवारांची बहीण विजया पवार या उपस्थित आहेत.
मागील एका तासपासून ही बैठक सुरू आहे. कौटुंबीक बैठक असल्याचे सांगितले जात आहे. दरम्यान, या बैठकीच्या दोन तीन विषयांवर चर्चा होणे अपेक्षित आहे. 'साम टिव्ही'ने दिलेले वृत्तामध्ये बैठकीत प्रमुख विषय विलीनीकरणाचा असल्याचे सांगितले आहे.
विद्या प्रतिष्ठाणमध्ये होत असलेल्या बैठकीला विद्या प्रतिष्ठाणचे विश्वस्त देखील उपस्थित असल्याचे सांगितले जात आहे. बैठकीत नेमकी काय चर्चा सुरू आहे याची अधिकृत माहिती समोर आलेली नाही. मात्र विद्या प्रतिष्ठाणच्या विश्वस्त पदावर पार्थ पवार की जय पवार या पैकी कोणाला संधी द्यायची याची देखील चर्चा होणार असल्याची माहिती आहे.
शरद पवार यांच्याशी आज सकाळी पत्रकारांनी संवाद साधला. या संवादामध्ये सुनेत्रा पवार यांनी उपमुख्यमंत्री पदाची शपथ घेतली, याबाबत त्यांना विचारले असता ते म्हणाले, संधी मिळाली, शपथ घेतली याचा आनंद आहे. तसेच विलीनीकरणाच्या चर्चेबाबत मुख्यमंत्र्यांनी केलेल्या वक्तव्यावर त्यांनी टीका केली. ते म्हणाले ते चर्चेत नव्हते त्यामुळे त्यांना यावर भाष्य करण्याचा अधिकार आहे का? हे मला माहीत नाही.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
