किरकोळ कारणातून आयकर अधिकारी वडिलांची मुलाकडून हत्या

किरकोळ कारणातून आयकर अधिकारी वडिलांची मुलाकडून हत्या

लातूर : खरा पंचनामा

आयकर विभागात अधिकारी असलेल्या वडिलांचा त्यांच्या मुलानेच चाकूने भोसकून खून केल्याची घटना समोर आली आहे. ही धक्कादायक घटना लातूर शहराजवळील खोपेगाव परिसरात घडली आहे. कृष्णकुमार सन्मुखराव असे मृत अधिकाऱ्याचे नाव आहे.

ही घटना ०३ फेब्रुवारी रोजी सन्मुखराव कुटुंबाच्या राहत्या घरी घडली. घटनेने लातूर परिसरात खळबळ उडाली आहे. मूळचे अहमदपूर तालुक्यातील रहिवासी असलेले कृष्णकुमार सन्मुखराव हे आयकर विभागात अधिकारी म्हणून कार्यरत होते. त्यांनी लातूर शहराजवळील खोपेगाव शिवारात प्लॉट घेऊन नुकतेच घर बांधले होते.

दुपारी ते घरी असताना त्यांचा मुलगा शंतनू सन्मुखराव याने घरगुती वादातून अचानक वडिलांच्या पोटात चाकू खुपसल्याची प्राथमिक माहिती आहे. या हल्ल्यात कृष्णकुमार सन्मुखराव हे गंभीर जखमी झाले. त्यांना तातडीने उपचारासाठी रुग्णालयात दाखल करण्यात आले, मात्र उपचारादरम्यान त्यांचा मृत्यू झाला.

घटनेची माहिती मिळताच लातूर ग्रामीण पोलीस घटनास्थळी दाखल झाले. मृतदेह शवविच्छेदनासाठी शासकीय रुग्णालयात पाठवण्यात आला असून, या प्रकरणी खुनाचा गुन्हा दाखल आला आहे. वडिलांच्या खुनामागील नेमके कारण अद्याप स्पष्ट झाले नसून, पोलिसांकडून अधिक तपास सुरू आहे. पोलिसांनी आरोपीला ताब्यात घेतले असून त्याच्यावर गुन्हा दाखल करण्यात आला आहे.

कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.